لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
15.05.2018 د ښاغلي صميم مضمون شعرونه 09.05.2018 د ښاغلي غزت الله ځواب شعرونه 24.04.2018 د ښاغلي شرر ساپي شعرونه 27.03.2018 د ښاغلي فریدون فطرت شعرونه 22.03.2018 ښاغلي حيران شينواری شعرونه 18.03.2018 د ښاغلي نصرت الله سرور شعرونه 17.03.2018 د ښاغلي جاويد ودان شعرونه
 
د ولس ځواکونه د ولس لپاره
لیکوال: نصرت الله نصرت   نېټه: 10.03.2018   خپرونکئ:   سمسور  

 امنیتي ځواکونه د هر هېواد د ملا د تیر حیثت لري، دا داسې قوت دی چې له هر نوع مذهبي او سمتي مسایلو لېرې وي او یوازې د هېواد ملي ګټې ورته اهمیت لري، دا ځواکونه هر وخت هېواد له بد حالاتو او هر ډول یرغله ساتي. 

دوې خپله دنده په مېړانه ترسروي، که هغه هر ډول حالت وي. که له ګرمي سر نه پورته کېږي، دوی په سره لمر کې د ولس د امنیت لپاره ولاړ وي، که له یخني په صندلۍ کې ګوزاره نه کېږي، دوی به د ولس غم وړي په واورو کې ولاړ وي.
دوی دی چې موږ د ارام ساه اخلو، دوی دي چې موږ په ارامه فضا کې له خپلو کورنیو سره په خوشالي ژوند کوو.

داچې افغان امنیتي ځواکونه تل په داخلي جنک کې بوخت دي، ځکه د هېوادونو په سطحه مسایل ترې پاتې دي. دوی په داخلي جګړو کې بوخت دي او د افغانستان ګاونډي ملکونه له دې ګټې په استفاده خپل ناوړه کارونه ډېر اسانه د ځینو بې‌وجدانه کسانو په واسطه کوي او په خپلو دسیسو کې کامیابېږي.

که چېرته ولس د افغان امنیتي ځواکونو ملا وتړي، د هېواد پر سطحه به شته کورني جنګونه ختم شي، امنیتی ځواکونه به د ملکونو په سطحه د خپلو پولو ساتلو ته اوزګار وي، نه به ګاونډیان په اساني پر افغان خاوره برید وکړي او نه به بریالي شي.
د هېواد امنیتي قواوې چې کله هم له ګاونډیو هېوادنو سره سیالېی وي، د هر ډول تېري مخه نیول کېږي، که هغه مذهبي، کلتوري او یا سمتي وي.

د دې تر څنګ د خپلو ځواکونو په درلودو سره په هېواد کې هر ډول د بیارغونې، تعليمي او روعتیایي برخې کارونه اسانه کېدای شي او هر څوک ورته ‌ژر لاس‌رسی پيدا کولای شي.
دغه ډول که مو امنیتي ځواکونه له داخلي جنګونو نه اوزګار وي، د هېواد په ګوټ ګوټ کې به د سولې فضا خپره وي، اولادونه به مو په ارام زړه ښوونځي ته ځي، د هر ډول درس زمینه به برابره وي.
که مو امنیتي ځواکونه برحاله وي، پانګوال به د هېواد په هره برخه کې پانګونه وکړي، په زیات شمېر هېوادوالو ته به د کار زمینه برابره شي.
لازمه ده چې د خپلو امنیتي ځواکونو ملاتړ په پوره ایمانداري وکړو چې د سولې په خوند پوه شو.
که دغه ملاتړ وکړو او امنیتي ځواکونو مو د هېواد امنیت منطم کړ، د بیارغونې کارونه به په اساني تر سره شي. اولادونه به مو له ډاره پرته ښوونځي ته ولاړ شي، ځوانانو ته به مو په ښه ډول د لوړو زده‌کړو زمینه برابره شي.

سبا به دغه ځوانان د دغه هېواد په بېلابېلو ادارو کې په بېلابېلو دندو بوخت شي، د مخالفانو لیکو ته به نه ځي او د دغه وطن په درد به دوا شي.
افغانستان په تېرو وختونو کې پیاوړي امنیتي ځواکونه درلودل، هغه و چې هغه وخت امن و، په ټول هېواد کې د هر ډول برید مخه نیول شوې وه او ګاونډیو هېوادونو زړه نه ښه کاوه چې د هېواد دننه لاس‌وهنې وکړي.
د امنیتي ځواکونو په بیا پیاوړتيا کې د ولس ډېر لاس دی، که دوی د افغان امنیتي ځواکونو ملاتړ وکړي، خپل اولادونه دغو ليکو ته ولېږي، غیر مسوولو کسانوته په خپلو سیمو کې ځای ور نه کړي او له هغوی سره همکاري و نه کړي، پخپله امنیتي ځواکونه غښتلي کېږي، د دوی مورال لا لوړېږي، په ډاډه زړه به خپلې دنده ترسروي.

نن سبا زموږ امنیتي ځواکونه نه د ولس له خوا ښه ډاډه دي، نه له دولته راضي دي، ولس ورسره همکاري نه کوي او دولت ورته په وخت مرسته نه رسوي.
خبره دا ده چې نه د ولس له امنيتي ځواکونو پرته کېږي او نه امنيتي ځواکونه د ولس له تکيې بې‌پروا کېدای شي.
بله خبره دا ده چې په کار ده، امنیتي ځواکونه بايد له هر ډول سیاسته لېری وساتل شي چې د فساد مخه ونیول شي، ځکه سیاسون له امنیتي ځواکونو غلطه استفاده کول غواړي او بلکې ځينې ځينې ځايونه يې کړې هم ده، د هغوی ژوند له خطر سره مخ کوي.
همدا راز امنیتي ځواکونو ته بويه ځان له هر ډول ژبنيو کړاوونو وساتي، ځکه سیاسون له دغسې کارونو غلطه استفاده کوي.

سرخط ورځپاڼه
 
بېرته شاته