لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
05.05.2020 د ښاغلي قدرت الله مظلوم شعرونه 28.04.2020 د ښاغلي عصمت باچا رسولي شعرونه 04.03.2020 د ښاغلي سيد جيلاني جلان شعرونه 27.02.2020 د ښاغلي عبدالله شاه "ژوندون" شعرونه 27.02.2020 د ښاغلي احسان الله درمل شعرونه 20.01.2020 د ښاغلي نسیم ایثار شعرونه 02.01.2020 د ښاغلي درويش روښان شعرونه
 
يو کوچنى خو باارزښته اثر
لیکوال: محمد اکبر کرگر   نېټه: 13.09.2020   خپرونکئ:   سمسور  

ان تر اوسه پورې چې دخوشحال له ژوند اوغورځو پرزو کلونه او پيړۍ تېرې شوې دې خو موږ په د ې بوخت يو چې وښايو خوشال په څومره جنگونو کې برخه اخيستي ده؟ له يوسف زو سره يې څه کړي دي ؟ له پښتنو يې ولې سر ټکولي دي ؟ ولې دمغلو په خدمت کې وو او بيا ولې دمغلو مخالف شو ؟
دا خبرې تر يو حده مهمي دي خو داسې هم نه چې په کليشو بدلې شي، چې بس دتوري اوقلم خاوند اونابغه، اوداسې نور ورته خطاب کړو. نن اوسني نسل دې ته اړ دې چى خوشحال له نورو زواياووهم وپيژني .دا ځکه چې دخوشحال دقيقه پيژندنه دپښتون اولس پيژندنه ده ، ديو ستريو تايپ په توگه .
په دې برخه کې له بده مرغه لږ کار شوى دى.خو په دې وروسته وختونو کې يوه کوچنې رساله چې له نامه نه يې پوهېدم چې څه به وي له کابله مې را وغوښت ۔ اوهغه داجمل پسرلي (ښکلا دخوشحال په غزل کې) اثر دى ،راورسيد. بي مقدمې مې په لوستلو پيل وکړ . خو څومره چې پر مخ تللم ۔ ټولې نوې خبرې وې ۔ سوليدلي کليمات يې نه درلودل ۔ شننه يې درلودله او د نړيوال فرهنگ په تله کې يې خوشحال ليدلي وو. چې په زړه پوري وو.
زموږ په ادبياتو کې (پښتو ادبياتو ) کې په شعر او کيسه کې دښايست مساءله لږه څېړل شو ده . يا خو دا چې استيتيک يا ښکلا پيژندنه لکه څنگه چې افلاتون ،هگل ، کانت ، نيچته او نورو پرې خبري کړي موږ نه ده را سپړلى . خو له نيکه مرغه ياد اثر به د دغه ډول متوديکي څيړني ښه بيلگه او ښه پيلامه وي . چې نور هم ورته پام واړوي .
زه د دې اثر څيړونکي ته مبارکي وايم، خو هيله لرم چې نور هم دا ډول څيړنو ته دوام ورکړي .
کار هم دلته ونه دروي .

 
بېرته شاته