ګل آغا احمدي وردګ
تر هر څه د مخه د سمسور د ښیرازه پښتو بریښنا پاڼې د پنځمې کلیزې په مناسبت د دې ګلورینې بریښنا پاڼې بنسټ ایښودونکي ګران ورور سمسور حبیبي او کاري ډلې ته مبارکۍ  وړاندې کوم. مبارک، مبارک او بیا هم مبارک
زما ګران او خواږه ورور سسمور په ډیره مینه خپل مینه ناکه بریښناپاڼه پیل او په ډیره خوارۍ او مسلکي ډول یې د هغه ټولو اړخونو ته کار کړی دی چې د  الله پاک له دربار څخه نوموړي ته د خپلو زحمتونو په مقابل کې د اجر غوښتونکي یو. سمسور صیب له هر افغان لیکوال سره بیل بیل تماسونه ټینګ کړي او د خپلې بریښنا پاڼې د ښیرازۍ په لاره کې یې د هغه مرسته راجلب کړې ده چې نن ورځ موږ په دې بریښناپاڼه کې د پښتو ژبې د ښیرازه ګلونو رنګارنګ غنچې موندلی شو.
کوم زیار چې په تیرو څلورو کلونو کې سمسور بریښنا پاڼې د پښتو ادب د ښيرازه کولو لپاره ویستلی دی زموږ په ټولنه کې یې ساری ډیر کم لیدل کیږي چې د ځینو مطالبو نومونه یې ستاسو په وړاندې ږدم:
کورپاڼه، زموږ موخه یا هدف، افغاني شعرونه، د چنار لاندې بنډار، ادبي لیکنې، ټولنیزې لیکنې، پښتو ژبه او ادب، اسلامي لارښوونې، د کوچنیانو لپاره، ادبي مرکې، کره کتنه ، لنډې کیسې، خبرتیاوې، ګزارشونه، تاریخي لیکنې او زموږ سره اړیکې.
پر دې سربیره نوموړې بریښناپاڼه د لیکنو آرشیف هم لري او هغه ټوله پانګه یې خوندي کړې ده چې وخت پر وخت د افغان لیکوالو له خوا نوموړې ویب پاڼې ته ورغلې ده.
د سمسور بریښناپاڼه په خپل کتابتون کې ستاسو د مطالعې لپاره ۳۴ عنوانه رنګارنګ کتابونه لري چې یوه لویه پانګه ګڼل کیږي او دغه بریښناپاڼې ته یې لا هم کلتوري بډاينه وربخښلې ده.
د نوموړې بریښناپاڼې د لا ښه والي لپاره زه څو خبرې لرم:
لومړی: ښه خبره به دا وي چې سمسور ټکی کام د خپلې زیرمې په نچوړ کې د منجمنت، سوداګرۍ، اقتصاد او ښې حکومت دارۍ چارو ته هم یوه ځانګړې خونه خلاصه کړي او له مسلکي لیکوالو څخه په دې اړه سمسور ته د لیکنو د لیږلو هیله وشي.
دویم: سمسور ټکی کام دې د اړیکتیايي او خبرتیايي ټکنالوجۍ په هکله دې هم لیکنو ته ځای ورکړي او په دې اړه دې داسې هڅوونکې لیکنې خپرې کړي چې د لوستونکي شوق ورته زیات شي او په افغاني ټولنه کې یې اغیزې جوتې وي.
دریم: ښه خبره به دا وي چې که چیرې سمسور ټکی کام د افغان ښځو د چارو لپاره یوه ځانګړې څانګه پرانیزي او په دې هکله د لیکنو یوې ګټورې لړۍ ته پراختیا ورکړي څو په ټولنه کې د هغه د پرمختګ، ستونزو، ګواښونو او هراړخیز حالت ښه والی په ښه توګه منعکس کړي .
څلورم: ښه خبره به وي چې که چیرې په هیواد کې د سولې په اړوند لیکنو ته ځانګړې پاملرنه وشي، هغه زموږ خلک ولولي او ټول د ورورګلوۍ لاسونه یوه بل ته سره ورکړي.
پنځم: ما د سمسور ټکی کام په نوې بڼه کې د پښتو د لنډو ادبي ټوټو برخه و نه شوی موندلی هیله ده چې دغه برخې ته هم پاملرنه وشي.
شپږم: که چیرې امکان لري او د سمسور د کارډلې په وس پوره وي نو د لیکنو ځینې داسې سیالۍ دې په لاره واچوي چې د رمزي هڅونکو ډالیو سره ملګرې وي او دغه کار د سمسور ټکی کام په ښیرازۍ کې لوی نقش لوبولی شي.
خو دا هر څه هغه مهال شوني دي چې افغان پوهان او لیکوالان له ښاغلي سمسور سره د خپلو لیکنو د سخاوتمندانه لړۍ لیږلو ته دوام ورکړي. نو له ټولو لیکوالو او قلموالو څخه مې هیله دا ده چې د خپل سمسور ملګرتیا وکړی او یوازې یې پرې نه ږدي. په همدې توګه له لوستونکو څخه مې هم هیله دا ده چې د سمسور ټکی کام ټول مطالب په مینه مینه ولولی.
زه د خپلې لیکنې پيڅکې د یوې لنډۍ په وسیله رانغاړم او خواږه ورور سمسور ته د دې ښیرازه بريښنا پاڼې او ژوند په ټولو چارو کې د لا زیاتو بریاوو غوښتونکی یم.

ستا د ښایست ګلونه ډیر دي
ځولۍ مې تنګه زه به کوم کوم ټولومه

د سمسور ويبپڼې درنو چلوونكو ته
ستړي مشئ، ګامونه مو لا ګړندي شي
د خوښۍ خبره ده چې د پښتو ادب ځمكه مو پنځه كاله سمسوره وساتله، د ويبپاڼې نوى ډيزاين د ستايلو دى او هيله كوو چې شپږم كال هم په پوره برياليتوب سره د نيويو ليكنو او مالوماتو په خپرولو بشپړ كړئ. 

 
ستاسو د لا برياليتوب په هيله
ستاسو احساس
                                بلخ

دخوښۍ يوڅوفى البديهه ټكي
سمسورلاپسې سمسوركړې،دابه وايم دابه وايم
دسمسورپه سمسورتياكې ، په دوعايم په دوعايم
*     *     *
دسمسور سمسورې هيلې ،دې ښايښته وي لكه ناوې
چې سمسوره موپښتوشي ،اوسمسورې شي بېدياوې

له څۀ مودې راهيسې دډېرې نااوزګارۍ له امله راڅخه دپښتو برېښپاڼو په ګلبڼونوكې سيلونه هم پاتې شوي وو،سره لدې چې دپښتو برېښپاڼوكتنه مې دځان لپاره يوعادت ګرځولى خوبياهم انسان ډېرنيمګړى دى اوهېڅكله هم هغه څه چې زړه يې غواړي دهمېشه لپاره نشي ترسره كولى ،نوما هم دخپلې بوختيااونيمګړتياله امله پښتوبرېښپاڼوته دڅه مهال لپاره په هغه ډول سرندى ورښكاره كړى چې ښايي .
نن مې چې خپل ايمېل په بېړه وكوت نودسمسور ورور ايميل هم پكې وو،هغې راته دسمسوبرېښپانې دپنځمې كليزې مباركي راكړې وه اوپدې اړه يې راڅخه دنېوكې ،نظرونواووړانديزونوغوښتنه هم كړې وه ،دبرېښليك په كتوسره مې سملاسي لدې ځايه ورته ووې چې (مرغ دې يې ښه وي ) ،زموږپه ځاى كې دخوښۍ اومباركۍ دغه تورې زښت ډېركارول كيږي اودمباركۍ وېيلولپاره دغه توري ډېرلوړ منل شويدي .
وايي ((چې اوسې ،په خوى به دهغوسې )) نوماهم ځكه دمباركۍ لپاره د(ښه مرغ) ټكي وكارول اوبياهم دسمسوردسمسورتيادپنځمې كاليزي په پوره كيدوسره ټولوپښتنو وروڼو اوخويندوته وايم چې :مرغ دې يې ښه وي .
دسمسوربرېېښپاڼې چلوونكيوپه رښتياسره كوښښ اوهڅه كړې ،هغه څه وړاندې كړي چې ددې پاڼې دلاښكلاترڅنګ دپښتنو وروڼواوخويندولپاره دمنلواودبېلابېلوذوقونودتندې خړوبولولپاره بېلابېل خپرنيزتوكي (ادبي ،ټولنيز،سياسي  . . .)پكې وي .
ددوى هڅه اوهاندټولوهغوپښتنوليكوالو،شاعرانواوروڼ اندوته مالوم دى چې لږترلږه پښتوبرېښپاڼې ګوري اوله خپرنيزو توكيوڅخه يې ګټه پورته كوي .
داچې داپاڼه څومره غښتلې ده اوترننه يې څومره څه كړيدي ،دپاڼې له منځپانګې څخه په ډاګه ده ،پدې اړه ځكه څه نه وايم چې هرڅه دوروڼواوخويندوترمخ پراتۀ دي ،ودې يې ګوري اوودې يې ارزوي .
په پاى كې دسمسوربرېښپاڼې دلاپياوړتيااوغوړېدالپاره دنوموړې پاڼې له مسؤل حبيبي صيب اواړوندوكاركوونكيواولاسنيونكيوڅخه مننه كوم اوله ماناڅخه ډك اوږعمرورته غواړم .
په مينه
شمس خوستى

دسمسور وېبپاڼې دپنځمې کليزې درارسېدواو پوره کېدو په مناسبت خپلې ډېرې ښې مبارکۍ نېکې هيلې او ښې پېرزوېنې دسمسور وېبپاڼې چلوونکوهر يو ښاغلي پښتوپال خليل سمسورحبيبي،اغلې صباحبيبي،ښاغلي مړوندحبيبي او ددغې وېبپاڼې ټولو مينه والو او پښتنو خويندو او ورونو ته د زړه له کومې وړاندې کوم.
خوشحال باباواييL( لافې دې هغه څوک وهي،چې ښه دولت لري ياښه تکړه ځوانان،که دايې نه وي،هسې لافې دې نه وهي.)
دخوښۍ او ډېرې خوشحالۍ ځاى خو دادى چې که ښه دولت نه لرو،خوښه ځوانان بيا لرو. دخداى (ج) شکر اداکوم چې زموږ هېواد دهغو پياوړېو او نوښتګرو او وتليو هڅاندو او تپاندو څېرو او شخصيتونو کوړبه هېواد دى چې تل مو دخپل هېواد خلکو او سيمې ته داسې وياړنې راوړي او نصيب کړې دي چې تاريخ به يې تل په ياد ولري. او کله به هم هېرې نه شي. وايي چې تاريخ نه غولېږي او دمهال ګړندۍ بهير نه درېږي.
ددغه کتاراو ددغې ډلې تپاندو او هڅاندو څېرو څخه غواړم څو خبرې په ښاغلي خليل سمسور حبيبي او ملګرو يې وکړم . سمسور مې ښه ملګرى دى او له هغوبوخيتاووسره سره يې چې لري، بيا هم په دې توانېدلى چې سمسور پاڼه سمسوره وساتي. چې نن سبايې موږ ددغې وېبپاڼې دپنځه کلنۍ شاهد يو، چې ښاغلي سمسور حبيبي يې دمسوليت چارې پرمخ بيايي. چې تل مو لوستې او پخپله زه خو يې له مينه والو څخه يم او وياړم چې څو ورځې يې همکار وم او دا وياړهم راپه برخه شوى دى.
 سمسور ملګرى چې دسمسور ترڅنګ  دننګيال  ويبپانې دمسووليت چارې هم په غاړه لري داکاريې دخپلو تحصيلي مصروفيتونو ترڅنګ په ډيره ښه توګه ترسره کړى دى اوهمدارنګه دشعرله نړۍ سره دعلاقې نه علاوه دى اوښاغلى مړوند دواړه ډيرښه تکړه اوپياوړي شاعران هم دي چې ورته دپاڼې دکارو اودژوند په ټولوبرخوکې دلازياتو برياليتوبونو هيله کوم.
داچې سمسور ځوان دى او داديوه ځوان نوښت او هڅه ده سمسور سمسور ساتي نو غواړم څو خبرې په ځوان او دځوانۍ په هکله وکړم.
ځواني دانسان دژوند يوه ډيره خوږه دوره ده هغه چې انسان دخپل ژوند مهمې پريکړي په کې نيسي او دخپل ژوند اوپه ځينو برخوکې خوبيا آن دتاريخ چورليزټاکې. اويا يې لږترلږمتاثروي.
په ځوانۍ کې ډيرې داسې فکري او جسمي ځواکمنتياوې شته چې يوځوان دې په يوه هيواد کې ديوه مسووليت جوګه شې  دتاريخ په اوږدو کې چې کومې مهمي پيښې اوکارنامې تر سرشوي ديوه يا ديوې ډلې ځوانانو نوم ورسره تړلى وي.
ديوه ملت دروښانه راتلونکې وړاندوينه دهغه ملت دځوانانودوضعيت له رويه کېدى شي داچې هغه هيوا د دنيکمرغۍ اوکه دبدبختۍ اويا داچې هغه هيواد دپرمختګ پرلور روان ده اوکه وروسته پاتې ده داټولې پوښتنې ديوه هيواد دځوان توکم وضعيت ته په کتومالوميدى  شي.
ديوه هيواد دځوانانو وضعيت  ته يوځغلنده غوندې نظر موږ ته دارامالومولى شې چې هغه هيواد به نيکمرغه راتلونکې ولرې اوکه به يې ونه لري.
حقيقت خوداده چې ديوه هيواد دپرمختګ او نيکمرغۍ وسيله دهغه هيواد ځوان توکم ده.
يوبا احساسه ځوان کولى شي چې دخپل هيواد ستونزې ربړونه اوغوښتنې درک کړي اوپه مسولانه ډول دهغو ستونزواوربړونوپه له منځه وړلوکې کوښښ وکړي،چې په خواشينۍ سره بايد ووايم چې په افغانستان کې جګړو اوتاوتريخوالي ځوانانو ته ډيره کمه موقع برابره کړې چې خپل تصميم په خپله ونيسي اوپه خپلواکه ډول خپل دريځ څرګند کړي،.زموږ له ځوانان سرله دې چې ډيرکړاونه اوناخوالې يې ليدلي هيله کيږې چې دهيواد ابادولو ته مټې راونغاړي زيار ورته وباسي اوله نورې نړۍ سره يې سيال کړي. زموږ دګران هيوادافعانستان سترګې ځوانانو ته اوړي او کيدى شي چې ځوانان به په يوه تازه فکر اوځواکمنتيا وران او کنډواله هېواد ته هغه څه ورکړي کوم چې هيواد يې تمه ترې  لري. دځوانانوترمنځ بايدتفاهم رامنځ ته کړاى شي دځوانانو تر مينځ تاوتيريخوالى له مينځه يووړل شي، زده کړې ته وهڅول شي دښوونې اوروزنې لارې په هغه اندازه چې توان لري ورته هوارې کړي. ځوانانو ته  ملي اواسلامي روحيه ورکړي. سولې ملي پخلاينې اودځوانانوترمينځ دملي  يوالي اوپيوستون  دروحې رامينځ ته کول او هغو ته وده ورکول اودنفاق او ځان ځانۍ له مينځه وړل او دهغو تر مينځ دورورلۍ،متقابلې همکارۍ،دبيوزلوسره مرستې اولاس نيوې،عاطفې،صله رحمۍ اويوبل ته ددرناوي دروحې پيداکول دکلتورهڅوملاتړاو هغوته وده ورکول سالمو اقتصادۍ فعاليتونو ته دځوانانو هڅول او...داټول اوداسې نور هغه څه دۍ چې ځوانان بايددخپلوموخوپه سرکې ورته ځاى ورکړي اوريښتينې ورته پاتې شي.
دغه کار او دغې موخې ته کېدى شي ډېرې لارې موجودې وي چې ورسېږو او خپل ملي او اسلامي دين ادا کړو چې داهغه مهال شونې ده چې زموږ دهېواد ځوانان او تنکي ځوانان خپلې موخې دسپېڅلي څېښتن تعالي په مرسته دهېواد بېلابېلو برخو او کاري بوختياوو په برخه کې ترسره شي. زه دداسې ملګري په لرلو وياړم دادموخې ته درسېدو په لاره کې يې زغرده قدمونه او چت کړي او خپلې ژبې ادب او کلتور ته يې دخدمت دحوګه کېدو ملاتړلې ده.
په پاى کې يو ځل بيا ډېرې ښې مبارکۍ دښاغلي سمسور نور دسمسور وېبپاڼې دنور مينه والو مخې ته ږدم. اودطبيعت دانځورګرله سپېڅلي دربارنه ورته دبرياووغوښتونكى يم.
پرځوانۍ يې بركت ــ سيمي خلکو اوپه لويه کې ګران هېواد افغانستان ته دچوپړاوخدمت او ورته لاره کې په پراخه توګه برياليتوبونه غواړم...!!!
په آخر کې زه دبېټ نېکه په دې دعا باندې آمين وايم،چې وايي:
لويه خدايه لويه خدايه
دا وګړي ډېر کړې خدايه
لويه خدايه لويه خدايه
په پښتنه او کليواله مينه
په تلپاتې پښتنۍ مينه

 
همت الله امين زى
www.aminzay.com
دميدان ځوانانودټولنيزې،ادبي او کلتوري ټولنې مشر او دامين زى ټکى کام وېبپاڼې چلوونکى

که موږ پدی وروستي لسيزې کی د پښتو ژبی حالت د تیرو پنځوسو کلونو سره پرتله کو نو په جرئت سره سړې ویلئ شي چې هسې خوځښت او پرمختګ چی نن سبا د پښتو ادب په مختلفو برخوکی روان دی کیږي زموږ په معاصرتاریخ کی ساری نلري البته دا پدی معنا نده چی زموږ پروني نسل بالکل لاس تر زنې ناست وو او پدی لاری کی هیڅ کار ندې کړی نه هغوي هم تر خپلی وسی زموږ د ژبی او ثقافت د پرمختګ په لاره کی ستونزې ګاللی مګرخبره دا ده چې هغه وخت اکثرا د دولت اجازی او امکاناتو ته کتل کیده او کارونه د دولتی ارګانونو په چوکاټ کی سرته رسیده.

د انترنیت د جال او ویب پاڼو په رامنځ ته کیدو سره  نور زموږ ځوان او با استعداده ځوانان د دولت مرستې ته انتظار ونکړو،خپلی مټې یی راونغښتې اود ټولینیزو او فرهنګې ویب پاڼو په جوړولو سره یی  خپل ژبې، ثقافت او تاریخ ته  د خدمت ملا وتړل،  د دی هلو ځلو په نتیجه کی نن موږ د لسګونو ادبی او فرهنګی ویب پاڼو شاهد یو چی هر یو په خپل وار زموږ د ژبې او فرهنګ په پرمختګ او ودی کی د یادولو وړ ونډه اخیستې .

زموږ د دی فرهنګی ډګر یو با استعداده او ځوان فرهنګ پوه هم ګران سمسور حبیبي دی چې د خپلو نورو ملګرو او همکارانو په مرسته پنځه کاله مخکی د سمسورد فرهنګی ښکلي ویب پاڼې بنسټ کیښود او پدی تیرو پنځو کلونو کی زموږ د ادب او فرهنګ په ډګر کی خپلو خلکو ته د ستاینی وړ خدمت کړی دی.

د سمسور ویب پاڼه د هری ورځی په تیرودو سره نور هم د پرمختګ خوا ته درومي او پدی وروستیو وختو کی لا ښکلی شوی چی دا په خپله د سمسور د چلوونکو د زیار او هلوځلو ښکارندوی دی، اوس سمسور ویب پاڼه د مختلفو فرهنګی ادبی او هنري مطالبو په لرلو سره په یوی شتمنۍ ادبی دیرې اوښتئ دی چی زه د دی ویب پاڼئ د یوی همکار په حیث د سمسور د ویب پانی ټولو چلوونکو ته د دی بریالیتوب مبارکی وایم.

دا چی زموږ بااستعداده ځوانان په هجرت کی د ژوند د ټولو ستونزو او ناخوالو سره سره بیا هم  د خپل ژبی کلتور اوثقافت ته د خدمت ملا تړي دا واقعا د ستاینی وړ دی ، زه په خپل وارد سمسور د ښکلی ویب پاڼی ټولوچلوونکو او همکارانو ته د سمسور د پنځمی بختوری کلیزی په مناسبت مبارکی وایم  او د لوی څښتن څخه هغوی ته د لا زیاتو بریالیتوبونو استدعا کوم. 
 

په درنښت 
حفیظ الله خالد 
د هسکو د ټولنی مشر  

تر هرڅه دمخه خپلې نېکې هيلې، سلامونه او ډېره درانه احترامات  د سمسور اوبپاڼې ټولو مينه والو او په ځانګړې توګه د پاڼې چلوونکي، هر يو ښاغلی سمسور حبيبي، اغلې صبا حبيبي او ښاغلي مړوند حبيبي ته د زړه له کومې وړاندې کوم، څښتن تعالی دې وکړي، چې د روغتيا او حوصلې په جامو پټ اوسی او په راتلونکې کال کې تر دې ډېرې برياوې خپلې کړﺉ. ځکه چې دا برياليتوب يوازې ستاسې نه بلکې د ټول پښتون ټبر برياليتوب ده او موږ ټول خپل لاسونه د دغې دعا لپاره پاک خدای (ج) ته لپه کوو.

د يادونې وړ ده، چې د سمسور په سمسورې اوبپاڼې کې د پښتو ژبې د خوږ ژبو سندرغاړو؛ لکه استاد شاه ولي، وحيد قاسمي ... او آن زما تر سندرو پورې په کې خوندي شوي او د درنو افغانانو په واک کې يې ورکړې دي، ځکه چې سمسور اوبپاڼه ټولې کولتوري برخې پاللي او د خپلو غمځپلو افغانانو لپاره يې د چوپړ وياړ ترلاسه کړﺉ، د قدر وړ ورور سمسور جانه او ستاسې ټولو همکارانو ته د زړه له کومي د دې اوبپانې د کليزې مبارکي وايم او د ژوند په هره چاره کې مو برياليتوب او سرلوړي غواړم، ان شاالله تر خپله خپله وسه پورې به يو بل سره په دې کولتوري خوځښت کې ونډه اخلو او خپل وياړلی کولتور به نور هم ځلوو.

په مينه ستاسې ورور

بريالی صمدي

په پښتو مينو ښاغليو گلرحمان حبيبي صاحب ، گرانو سمسور حبيبي او مړوند حبيبي . له هرڅه ړومبى زما نيكې هيلې او سلامونه ومنئ . د (( سمسور )) ښكلې او په زړه پورې انټرنېټپاڼې د پرليكه كېدو د څلورمې كليزې په مناسبت تاسو ، ټولو ليكوالو ، لوستونكو او فرهنگپالو افغانانو ته د زړه له تله مباركي وايم .
ډېر د وياړ او خوشالۍ ځاى دى چې (( سمسور )) هم د نورو هېوادپالو او په زړه پورې افغان انټرنېټپاڼو لكه (( ټول افغان )) ، (( روهي )) ، (( تل افغان )) ، (( دعوت )) ، (( افغان ادبي بهير )) ، (( لر او بر افغانستان )) ،(( بېنوا )) ، (( ستوري )) ، (( غورځنگ )) ، (( اتل افغان )) ، (( هېواد )) ، (( پوهندوست )) (( د ساپي د پښتو څېړنو مركز )) او نورو لسهاوو پاڼو په څېر خپل هېوادني فرهنگ ته د چوپړ سپېڅلې لاره خپله كړې او په دې لاره كې يې هر ډول زيار ، هاند او هڅې ته كلكه ملا تړلې ده . پښتني كولتور او ژبې ته ستاسو نه ستړې كېدونكې هلې ځلې د ډېرې ستاينې او قدر وړ دي . زه تاسو ټولو ته په دې سپېڅلي خدمت كې برياوې او لاپرمختگ غواړم . لوى څښتن تعالى دې ستاسو ټولو په مټو بركت كړي .

 په درناوي محمد طاهر كاڼى

د هېواد، سيمې او نړۍ پر کچ د ځوان کمپيوټري پښتني پښت تخنيکي ـ فرهنګي سيالۍ په تېره لسيزه نيمه کې هغه ګردې کورنۍ او بهرنۍ ننګونې را ننګولې دي چې  نن سبا يې دافغاني تاريخي ـ جغرافيايي او سياسي ـ فرهنګي اکر وکر او پايښت پر وړاندې تر بل هر مهاله زيات زور  اخېستی دی. د يوې داسې ملي او انساني ژوند جګرې په ډګر کې  د هرې کړکۍ له پرانېستنې سره د مخامخ لوري يوه کړکۍ تړل کېږي او پر بل تنور يې د نوح(ع) توپان ورسموي!
له اوسنۍ تش په نامه افغاني ـ دولتي اډانې  نه داتمه ځکه نه کېږي چې رغښت او بنسټ يې پر همدې ننګونو اېښوول شوی او پايښت يې هم په همدې کې نغښتی دی. نو دا څه هېښنده نه ده چې په دې اوو کلو کې يې ورته د کمونې او مخنيونې پرځای په لوی لاس نور هم پرله پسې ببوزی وهلی دی. داهم زباد ته رسېدلې چې ترڅو زموږ  پر جنګ و جهل ځپلي ولس دا راتپلې جهادي ـ اېمپريالېستي، يا په سهي مانا، مافيايي ـ انجويي ټلواله واکمنه وي، دغه ننګونې به همداسې په شور زور کې وي او د خطر زنګونه به يې زموږ  د  جلاهېوادو ځوانانو ملي ولولې پر يشنا راولي ، سيالۍ او دفاع ته به يې  اړ باسي او همدغه تر ګورته کړې نومهالې تخنيکي ـ فرهنګي درسته به ور سره پر کار اچوي .
د رغنده، سوليزې او سوله ييزې سيالۍ او ژوند جګړې په  روان بهير کې د نړيجال دهرې نوموتې اوبپاڼې رسنيزې او فرهنګي منډې ترړې د اړوند پازوال وزارت تر هغو تېری کوي او  بيا ټولې سره په ګډه، د چاخبره د ګردې
ټلوالې ځواب ويلای شي. هغه يې هم په  خپل خپل ناڅيزه مالي توان ، د ميليونونو او ميلياردونو  پر وړاندې!
لکه څنګه چې ماپروسږ کال د ټول افغان د پېنځمې کاليزې په مرغه ښه(مبارکۍ) کې يادونه کړې وه، زموږ رښتينې جلاوطنې هېوادپالې جالپاڼې او اوبپاڼې د کوربنو له رسنيزو ازاديو په ګټه اخېستنه  داامېړانه لري چې د خپلو او پردو په ولکه کې د ښکېللو او اسکېرلو شاته پاتې ميليونونو هېواد والو د ژغور و ازادۍ په سپېڅلې موخه د بېلابېلو ليد توګو ليکنو او ليکونو ته يو راز غېږ پرانېستې ده. د هېواد دننه خودکاو بايي ډموکراسۍ له انګروزو او  ډنډورو سره سره پر ګردو برېښنايي، اوريزو او وينيزو رسنيو لا هغسې طالبي وزمه ګروهپلټون(عقيدوي تفتيش) واکمن دی چې ځوان ژورنالېست کامبخش يې د بلهارۍ يوه تازه بېګه ګڼل کېږي. دا بېله خبره ده چې هغه په څه نيت و نمات خپله يا پردۍ  ليکنه د خپلې اوبپاڼې له لارې خپره کړې، خو د دفاع رښته لري او بې له کوم شرعي او قانوني زباده  ولې په تور تياره زندان کې دومره بې برخليکه شپې ورځې تېرې کاندې ؟
دا ترخه رښتيا هم پاموړ دي چې زموږ جلاهېوادې او هېواد مينې جالپاڼې ، له دعوت، ټول افغان، تل افغان، لروبر افغان... نه نيولې تر سمسور افغانه د افغان دښمنو هومره مالي سرچينې او نور راز راز پټې او بربنډې شونتياوې او اسانتياوې په واک کې نه لري، خو څنګه يې چې  خپرنيزه موخه سوچه او سپېڅلې ده او د يوموټي وياړلي او تاريخي هېواد او هېواد والو پر ژغور، خپلواکۍ او سوکالۍ راڅرخي، نو د پخوا په څېر به په همدې مانيز وياړ و ځواک پرمخ درومي او بری او مخسوری به يې په برخه وي!
له همدې هيلو او ارمانونو سره د سمسور اوبپاڼې درېيم زېږ پسرلی اړوندو
چلوونکيو او په سر سر کې  ګران خليل سمسور حبيبي ته مرغه ښه وايم او پر تخنيکي ربړو او ستونزو باندې ورته لا زيات بر لاسی، سمسورتيااو پر مخيون غواړم!

                  په ګرده پښتني- افغاني مينه او لورېينه -پوهاند دوکتور مجاور احمدزيار

ځوان پښتو پال ، په پښتونولئ مین ښاغلی خليل سمسور حبيبي او د سمسور انټرنیټی دیری ملګرو، سلامونه او ښی چاری!
پدی ورستیو لسیزو کی د پښتنو په خاوره اور بل دی قامی، سیاسی او روحانی مشران یی وژل کیږی اود پښتنو دښمنان په بیلابیلو بڼو کی ددی هڅه کوی چی د پښتنی کولتور او ژبـی ډیوی مړی کړی او له بده مرغه ډیر بی ننګه پښتانه یی هم لاتر شا ولاړ دی.
خو له نیکه مرغه د میډیا په ډګر او په ځانګړی ډول د انټرنټ پر مخ د پښتون ملت ځوان کول په خپل همت  په پښتو ژبه د انټرنیټی دیرو له لاری د خپلی ژبي او کولتور پالنی ته په زغرده مټی رانغښتی دی.
چی لدی ډلی څخه  سمسور ویب پاڼی« سمسور انټرنیټی دیری » دخپل پنځه  کلن ژوند په اوږدو کی   د پښتون ملت،پښتوژبی او وطن په خدمت نه ستړی کیدونکی هلی ځلی کړی او د خپل وس سره سم یی هر اړخیزه مالومات د نړئ په ګوټ ګوټ کی  پاشلی پښتنو ته وړاندی کړی دی چی دا د ډیر د ویاړ ځای دی.
د پښتنو ټولنیز ولسولیز ګوند (PSDP) (Pashtoons Social Democratic Party-PSDP) د مشر تابه دوتر پياوړی پښتو پال خليل سمسور حبيبي او د دیری نورو همکارانو ته د « سمسور انټرنیټی دیری » دپنځم کال  په مناسبت د زړه له تله مبارکی وايي او پدی هیله  چی سمسور انټرنیټی دیره د هیواد د خپلواکئ او د پښتنو د قامی وحدت، او بیدارئ  لپاره کوټلی ګامونه واخلی .
په درناوی
نـصـیـر ســتوری 
د پښتنو ټولنیز ولسولیز ګوند د مشر تابه دوتر  سرپرست

ویاړم چي، زموږ تکړه او باتوروپښتنوپه خپل همت سره د خوږې ژبې(پښتو)ښکلې ناوه کۍ ته په خپل وس رنګارنګ ګاڼې راوړې اوس زموږ دا ښکلې ناوه کۍ تر یوې اندازې راضي ښکاري خو لا ډېر کار ورته په کار دی زه چي، پښتو ویبپاڼوته ور ننوزم او ډول ډول لیکنې پکې وګورم نو داسې فکر کوم لکه د ګلانـو په بڼ کې چي ګــرزم، ډېر خوښ شم چي زموږ کړیدلي افغانان په خپل ټول همت سره حقایق پکې لیکي څه چي ماډېرزیات ځوروي هغه دګردون جفاده چي،
نن ورځ یې له موږ(پښتنو)سره کوي خو یتیم په ژړا پوخ دی دا به هم وزغمو بیا به ګل شو بیابه سمسورشوخو یو څه
کول په کار دي بې حرکته برکت نه شوموندلی دا چي زموږ اتل افغانان د ډول ډول رسینیو په مټ خپل غږ پورته کوي د خوښي ځاې دی له دغو رسینیو ځخه یوه هم سمسور وېبپاڼه ده چي، په خپل وس یې هڅې ژوندۍ ساتلي دي زه ورته د درۍ کلنۍ مبارکي وایم خدای پاک دې لا سمسور لري

محمدامین بسمل