لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
06.04.2017 د ښاغلي ذبيح الله احساس شعرونه 06.04.2017 د ښاغلي سید شاه سعود شعرونه 29.03.2017 د ښاغلي اسیر منگل شعرونه 28.03.2017 د ښاغلي سلیم بنگش شعرونه 27.03.2017 د ښاغلي ډاکتر اسرار شعرونه 18.01.2016 ښاغلي صديق کاوون توفاني شعرونه 08.12.2015 ښاغلي نقيب احمد اتل شعرونه
 
ښاغلي قدرت الله حلیم شعرونه

ښاغلى قدرت الله حليم د حاجي امان الله زوى پر ١٣٦٠ ل.كال د هلمندولايت په لښكر ګاه ولسوالۍ پورې اړوند(كارېزكلي) كې

 زېږېدلى دى، لايو كلن و چې د ځينو ستونزو له كبله پاكستان ته كډوال شول او په (ځنګل پير عليزي كمپ) كې استوګن شول؛ خپلې لومړنۍ زده كړې يې په بېلابېلو ښوونځيو كې تر سره كړي او منځنۍ هغه يې هم د كوټې په ښوونځيو كې پايته رسولې دي. پر ١٣٧٦ ل .كال يې كندهار پوهنتون ته د كانكور ازموينه وركړه او اوس د همدې پوهنتون، كرنې پوهنځي د درېيم كال محصل دى، د استاد الفت، رحمن بابا او غني خان له شعرونو سره مينه لري او خپله د ١٣٧٨لمريز كال له وږي(سنبلې) مياشتې څخه راپه دېخوا شعرونه ليكي، چې يوه ټولګه يې برابره كړې ده.
د شعر پر لمن يې داسې ارزښتناك توكي هم موندلاى شو، چې پرې ډاډه شو، سادګي، مينه او عاطفه يې د شعر سينګاروونكي توكي دي، كه يې ډېره مطالعه او رياضت وكړ نو اميد شته چې شعر يې نور هم ښه شي. د نورو فرهنګي هڅو تر څنګ اوس د كندهار شريعت غږ راډيو نطاق هم دى، سربېره پر دې د پوهنتون له فرهنګي څانګې سره هم همكاري لري او ددې څانګې مياشتنيو غونډو ته ځينې ډرامې او نندارليكونه هم ليكي، چې په هره غونډه كې مينه والو ته وړاندې كېږي. حليم صيب لاځوان دى او د فرهنګي كاروزيار لپاره يې ډېره انرژي پر ځاى پاتې ده، كه له دې هڅو سره يې مينه همداسې اورنۍ وه نو اميد شته چې ډېر غوره خدمتونه به وكړي

يادونه تنكۍ مينه پرښته غزل ګيله سوال؟ اوښکی
بېرته شاته