لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
05.05.2020 د ښاغلي قدرت الله مظلوم شعرونه 28.04.2020 د ښاغلي عصمت باچا رسولي شعرونه 04.03.2020 د ښاغلي سيد جيلاني جلان شعرونه 27.02.2020 د ښاغلي عبدالله شاه "ژوندون" شعرونه 27.02.2020 د ښاغلي احسان الله درمل شعرونه 20.01.2020 د ښاغلي نسیم ایثار شعرونه 02.01.2020 د ښاغلي درويش روښان شعرونه
 
غزل
  نېټه: 27.12.2008  

ګوره هـــسې کــــــردګــــــــار دی رب زمـــــــا
چې صاحب د کُــــــل اختــــيار دی رب زمـــا
همګي بزرګواران چـــــې څــــــــوک ئې وائي
تــــــــر همـه ؤ بـــــــــزرګــــــــــوار دی رب زما
نه ئې هېڅ حــاجت په چا باندې موقوف دی
نه د هېـــــــچا منـــــــــت بـــــــــار دی رب زما
له نېستۍ ئـــــــې د هستـۍ صورت پېداکړ
هــــسې رنــــــــــګ پـــــروردګار دی رب زما
هم صانع دی د جُمــــــــله ؤ مصنــــــوعـــــاتو
هم سامع د هــــــــر ګفـــــــــتار دی رب زمـــــا
چې ئې هېچېرې نه مثل نه مــــــــــثال شــــته
د هغو عطـــــــــرو عطـــــــــار دی رب زمــــــا
هــــــــر تعمـــــــــير چې د دُنيا او د عُقبی دی
د همه واړو مــــــعمـــــــــــار دی رب زمــــــــا
خـــــــوانــــــــنده د نــــانــــويسو صحيفو دی
داننده د هــــــــر اســـــــــرار دی رب زمــــــــــا
که ظاهر دی که باطن دی که مـــــابيــــن دی
له همـــــــــه ؤ خبـــــــــردار دی رب زمــــــــــــا
که پېدا که پوشيده دی که اوســـــــــــط دی
په همه ؤ وقــــــــوف دار دی رب زمـــــــــــــــا
شريک نه لري په خپله پـــــاچــــاهــــي کـــې
بې شريکه شهـــــــــــريـــــــــــــار دی رب زما
هسې نه چې واحدي ئې ده لــــــــــــه عـــــِجزه
په واحد وجود بـــــــــــسيار دی رب زمــــــــا
حاجت نه لري د بل چـــــــــا ويــــــــارۍ تــــــه
له هغو سره چې يـــــــــــار دی رب زمـــــــــــــا
څه حاجت دی چې ئې بل خوا ته غــــــــــواړم
په خپل کور کې همکنار دی رب زمـــــــــــــا
هېڅ تغير او تبديل نه لري رحـــــــــــمانـــــــه
تل تـــــر تــــــله برقــــــــــرار دی رب زمــــــــــا

 
بېرته شاته