په هلمند کې د روان ناتار په اړوند
د وطن له کلی –کوره، جـــــــــګه بــــــــــیا د ویـــــــر ژړا ده
کاڼو- بـــوټو اور اخیسی، د ظلـــــــــمــــــــــونـــــــــو انتها ده
د شیطان دوزخي تنده، بیا په سرو ویـــــــــنو مـــــــــــاتیږي
د ماتم ساندو ته نا څي ،تور مرګي ته پــــــــــه خـــــــندا ده
ملا ، کمان د زاړه بُست شوه ،لـــــــه غیـــــــرته ویلې کیږي
دمارجې - نادعلي ځمکه، هر انسان تــــــــه کــــــــــربلا ده
د وحشت شین سترګی دیو دی، یاغي شوی شنه وادې کې
کاڼي چوي نن له هیبته، د مـــــــــرګــــــــونـــــو بیا غوغا ده
د ساړه ژمي محشر کې، ده دی بل محـــشر جــــــــــوړ کړی
د بیوزلو انسانانو، پــــــــه شـــــــا کـــــــــډه دلــــــته بیا ده
د هلمند په سین کې وینې، د اوبو پــــــــرځــــــای خوټـــیږي
د بغرا مــــــــــرۍ غوڅیـــــــــږي سره په وینو، ترې دنیا ده
بیاد سپینې پنبې رنګ ته وینی غواړي لــــــــــــه انــــــــسانه
د رخام ښکــلو رګــــــــــــــــو کـــــــــې،له ناتاره واویلا ده
د ملالې سر سر تــور دی، دټـــــــپې زړه یـــــی ټــــــپي ده
د میوند د ماتې غــــــــــــــــــچ کې، د افغان په کور بلوا ده
د سالنګ مرګونه کم وه، ســـــــــتا د ویــــــــنو اشتــــــها ته
چې هلمند تـــــــــــــه دې راوړې، د ورانۍ او مرګ بلا ده؟
څومره نور بیګناه خلک ،په یـــــوه – بــــــل نـــــامـــــه وژنې؟
دا خـــــــو ستا مخلوقات نه دي،که ولجه پری نن دتا ده
ستا سي خیرنه مو توبه ده ،نور د مرګ شر رانه بچ کـــــړۍ
ستا سې مرستې ځینې تیر یو، چې مو رحم هم تعدا ده
چې یې خپل بچي پردي شول ،له پردو نه څه ګیــــــله ده؟
د و طــــــــــن او ورور نیستۍ ته خپل افغان توره تر ملا ده
د افغان د وینو موج ته، هر چا ستــــــــرګې دي ګنـــــډلې
اوریــــــــــدو تــــــــــه د فـــــغـــان یې بیا کــڼه ټوله دنیا ده
د لندن په اشاره بیا، په افغان نـــــاتــــــار جـــــوړیـــــــږی
د وژلو کنفرانس دی پــــــــــــرې د لــــــــر او بـــــــر سلا ده
چې څاروان د کاروان غل شو ،نو همدا د ژړا ځــــــای دی
نن د سولې لویه دښـــــــمنــــــــه، متــــــــــــــحده امریکا ده
که اخوان که القاعده ده، د انګریز د لاس نیــــــــالګي دي
چې په مونږ یې را تپي اوس، دا د کوم لــــــــــــــوري خطا ده؟
د ډیر ظلم نتیجه ده، چې نن هرافغان طالب شـــــــــــــو
ګناهکار سلامت ګـــــــرځــــــــي، بیګــــــــناه وړ د ســـــــزا ده
نور دقهر غواړو خدایه یا مو ورک کړه یا یې ورک کـــــــړه
دا دعا له عاجــــــــــزۍ نــــــــــــــه، کـــــــه له درد ډکه ښیرا ده
۲۰۱۰/۲/۱۱