سمسور

له طالبانو سره د سولې خبرو کې نسبي پرمختګ شوی ناجیه انوري

• 3 کاله دمخه (28/11/2020)
• خلیل
• 1315

د سولې په چارو کې د دولت وزارت ویانده ناجیه انوري وایي، د قطر په دوحه کې د دواړو لوریو تر منځ خبرو کې نسبي پرمختګ شوی دی.

نوموړې وايي، په دوحه کې د سولې په خبرو کې تر يوې اندازې پرمختګ شوى او د بشپړ حل لپاره کار دوام لري. د سولې په چارو کې د دولت وزارت وياندې ناجيې انوري پر خپله ټویټر پاڼه لیکلي، د افغان حکومت مرکچي پلاوي په دوحه کې د سولې خبرو د مخته بيولو په برخه کې له هېڅ راز هلو ځلو دريغ نه دى کړى.

هغې زياته کړې چې د اختلافي موضوعاتو په اړه په دوامداره توګه له طالبانو سره په بحث کې دي. د نوموړې په خبره، چې د سولې په خبرو کې تر يوې اندازې پرمختګ شوى او د بشپړ حل لپاره کار دوام لري چې له نهايي کېدو وروسته به د دولت او مقابل لوري ټوليز توافق رسما اعلان شي.