سمسور

ملي امنیت د حقاني شبکې یو کس نیولی

• 4 کاله دمخه (03/12/2020)
• خليل
• 1176

د ولسمشر لومړي مرسیتال امرالله صالح په خپله فېسبوک پاڼه لیکلي، د ملي امنیت ځواکونو د شیراحمد په نامه یو کس چې په حقاني شبکې پورې تړلی او غوښتل یې کابل کې ترهګریز بریدونه ترسره کړي نیولی دی.

نوموړي ویلي، دغه کس څه موده وړاندې د افغان حکومت له زندانونو د طالبانو په پنځه زره کسیز لېست کې ازاد شوی و خو بیا یې جګړې ته مخه کړې او غوښتل یې کابل ښار کې ترهګریز بریدونه ترسره کړي.

هغه دغه راز له ملي امنیت ریاسته مننه کړې چې په تېرو ۲۴ ساعتونو کې په کابل کې د جلا جلا عملیاتو په ترڅ کې اووه تنه وسله‌وال نیولي دي.