سمسور

د سالنګونو لار به تر چهارشنبې د لویو موټرو پر مخ تړلې وي

• 3 کاله دمخه (08/12/2020)
• محمد نسیم ستانکزی
• 1111

د ټرانسپورټ وزارت وايي د سالنګونو لار به تر چهارشنبې د لویو یا ټېلري موټرو پر مخ تړلې وي.

دغه وزارت وايي، چې دا پرېکړه یې په شمالي سالنګ کې د واورې ورېدو له کبله کړې ده.

مسولان وايي، په دې ساحه کې به د دوی د اټکل له مخې د چهارشنبې تر سهاره واوره ورېږي، له ټېلري وسایطو پرته چې دروند وزن لري، نور وسایط په سالنګونو کې د مقرراتو په رعایت سره تګ راتګ کولی شي.

جنوبي سالنګ کې ۳۰ سانتي متره او په شمالي سالنګ کې ۲۰ سانتي متره واوره اورېدلې ده او په شمالي سالنګ کې د واورې اورېدل دوام لري.