سمسور

د بګرام پر پوځي اډه څو توغندیز بریدونه شوي

• 3 کاله دمخه (19/12/2020)
• محمد نسیم ستانکزی
• 1037

د بګرام پر پوځي اډه څو توغندیز بریدونه شوي دي.

د پروان د والي ویاندې وحیدې شهکار ویلي ، د یاد ولایت بګرام ولسوالۍ اړوند، قلندرخېل سیمې کې له یو بار وړونکې مازدا ډوله موټر څخه پر بګرام هوایي اډې توغنديز بریدونه شوي دي.

چارواکي وایي، په یاد موټر کې ۱۲ توغندي ځای پر ځای شوي وو، چې ۷ یې توغول شوي او نور پاتې دي.

ددې بریدونو له امله د رامنځ ته شوې مرګ ژوبلې په اړه معلومات نشته او د بریدونو مسوولیت هم چا نه دی منلی.

دا په داسې حال کې ده، چې مخکې د امریکا د دفاع وزارت ویلي وه، چې یو شمیر پوځي اډې یې تر ګواښ لاندې دي.