سمسور

پاکستان وایي، پر ژمنو ولاړ یو، خو د یو شمیر افغانانو منفي تبلیغاتو اندیښمن کړي یو.

• 3 کاله دمخه (27/12/2020)
• کامران احمدزی
• 1149

پاکستان وایي، افغانستان سره په کړو ژمنو کلک ولاړ یو.

د پاکستان د بهرنیو چارو وزارت ویاند زاهد حفیظ چوهدري ویلي، پاکستان له افغانستان سره د سولې او ثبات لپاره پخپلو ژمنو ولاړ دی. چوهدري ویلي، مونږ له خپلو ژمنو نه اوړو خو په افغانستان کې د یو شمیر افغاني کړیو منفي تبلیغاتو اندیښمن کړی یو.ذاهد چوهدري وایي، سره له دې چې افغان حکومت او نړیواله ټولنه په افغان سوله کې د پاکستان هڅې ستایي، خو یو شمیر رسمي او غیر رسمي کړۍ د پاکستان خلاف منفي تبلیغات کوي، چې دې چارې مونږ اندیښمن کړي یو. چوهدري دا څرګندونې داسې مهال کوي، چې په ټولیزو رسنیو کې د ملابرادر هغې ویډیو چې د پاکستان په یو روغتون کې له ټپي طالبانو سره ګوري د ګڼ شمیر افغانانو سخت منفي غبرګونونه راوپارول.