د مشرانو جرګې ۳ سناتوران د بډو په تور ونیول شول
- 3 کاله دمخه (28/12/2020)
- محمد نسیم ستانکزی
- 1306
د مشرانو جرګې ۳ سناتور د بډو په تور ونیول شول.
لویه څارنوالي وایي مشرانو جرګه کې د فاریاب سناتور محمد انور باشلق، د سرپل سناتور محمد عظیم قویاش او د خوست سناتور لیاقت الله بابکرخیل حیرتان بندر کې د لسګونه زره امریکايي ډالرو د بډو په تور ونیول شول.
د لویې څارنوالۍ ویاند وایي دغه درې سناتوران چې پر چارو د نظارت او څیړنو لپاره بلخ ولایت ته تللي وو د ملي امنیت لوی ریاست د منسوبینو او لویې څارنوالۍ د استازو لخوا د ۴۰ زره امریکايي ډالرو رشوت اخیستلو په تور لاس په لاس ونیول شول.
نوموړی وایي د یادې قضیې راپور د افغانستان د مشرانو جرګې ریاست ته سپارل شوی خو مشرانو جرګې تر دا مهاله په دې اړه څه نه دي ویلي.