سمسور

ننګرهار کې درې پرله پسې چاودنې وشوې

• 3 کاله دمخه (20/01/2021)
• محمد نسیم ستانکزی
• 1041

د ننګرهار سیمه ییز چارواکي وایي دغه ولایت کې د درې چاودنو له امله ۴ تنه وژل شوي او ۶ نور ټپیان دي.

چارواکي وایي لومړۍ چاودنه د یاد ولایت په خوګیاڼو ولسوالۍ کې د طالبانو له خوا د ځای پر ځای شوي ماین د چاودنې له امله رامنځته شوې چې له امله یې یو ملکي وګړی وژل شوی او ۳ نور ټپيان دي.

دویمه چاودنه هم د همدې ولسوالۍ په ډنډو سیمه کې رامنځته شوې چې له امله یې دوه تنه وژل شوي او د دوه ښځو په ګډون ۴ نور ټپیان دي.

دغه راز دریمه چاودنه په شیرزادو ولسوالۍ کې شوې چې له امله یې یو ملکي وګړی وژل شوی او یو بل ټپي دی.

ددغو چاودنو پړه تر اوسه چا پر غاړه نه ده اخیستې.