سمسور

ډایکنډي کې د ۵ وسله والو طالبانو نیول کیدل

• 3 کاله دمخه (10/02/2021)
• محمد عزیر ستانکزی
• 1109

د ډایکنډي ولایت سیمه ییز چارواکي وايي د ملي امنیت ځواکونو ددغه ولایت د پاتو ولسوالۍ په تمزان سیمه کې د ځانګړو عملیاتو پر مهال ۵ وسله وال طالبان نیولي.

چارواکي وایي په نیول شویو کسانو کې دوه تنه د ماین جوړولو تخنیکي انجنیران دي او یو بل یې په سیمه کې نفوذي کس دی چې د ماینونو په لیږد او ځای پر ځای کولو کې یې له وسله والو طالبانو سره همکاري کوله.

د چارواکو په وینا دغه کسان د کجران ولسوالۍ د جنايي امر یو پولیس سرتیري او پولیسو د ارکان ریاست د سرپرست په وژنه او لسګونه نورو ورته پیښو کې هم لاس لري.

د مسوولنیو په وینا له نیول شویو کسانو څخه یو میل ام ۱۶، دوه میله پیکا، یو میل راکټ او شپږ میله تفنګچې هم نیول شوي.