سمسور

ننګرهار کې د ملي امنیت ځانګړو ځواکونو پر موټریز کاروان برید شوی دی.

• 3 کاله دمخه (11/02/2021)
• خالد سهار
• 1104

ننګرهار کې د ملي امنیت ځانګړو ځواکونو پر موټریز کاروان ځانمرګی برید شوی دی.

سرچینې وایي، چې نن مازدیګر شاوخوا درې نیمې بجې د جلال اباد ښار څلورمې ناحیې اړوند د ننګرهار هوایي ډګر ته څېرمه سیمه کې د ملي امنیت ځانګړو ځواکونو ۰۲ قطعې پر موټریز کاروان شوی دی.

سرچینه وایي، چې په دغه ځانمرګي برید کې د ملي امنیت ځانګړو ځواکونو درې سرتېري برسېرن ژوبل شوي دي.

تر اوسه ددې پېښې مسوولیت کومې ډلې نه منلی.

ننګرهار یو له هغه ولایتونو څخه دی، چې وخت ناوخت ترې د دغه ډول بریدونو خبرونه ورکول کېږي.

په دې وروستیو کې د ننګرهار وضعیت ډېر ښه نه برېښې، چې د مرکز جلال اباد سربېره یې په ګڼ شمېر ولسوالیو کې هم امنیتي وضعیت ښه نه دی.