سمسور

کابل کې ماین چاودنو ۲ تنه ووژل او ۲ نور ټپیان شول

• 3 کاله دمخه (20/02/2021)
• محمد عزیر ستانکزی
• 1317

نن سهار کابل کې د دوه پرله پسې چاودنو له امله څلورو تنو ته مرګ ژوبله واوښته.

د کابل امنیتي مسوولین وایي لومړۍ چاودنه د شپږمې ناحیې اړوند دارالامان پر سړک پر یو کرولا موټر شوې چې له امله یې دوه تنه ټپيان شوي.

دویمه چاودنه د څلورمې ناحیې اړوند کارته پروان سیمه کې پر یو کرولا موټر شوې او له امله یې دوه تنه وژل شوي.

د مسوولینو په وینا دغه دواړه چاودنې د مقناطيسي ماینونو له امله رامنځته شوي خو د قربانیانو د هویت په تړاو څه نه دي ویل شوي.

ددغو چاودنو پړه چا پر غاړه نه ده اخیستې.