سمسور

ولسي جرګې د ۱۴۰۰ مالي کال بودیجه تصویب کړه.

• 3 کاله دمخه (22/02/2021)
• خالد سهار
• 1311

د افغانستان د ولسي جرګي استازو نن په یوه غونډه کې د ۱۴۰۰ مالي کال د بودیجې مسؤده  د رایو په غوڅ اکثریت تصویب کړه.

که څه هم د ۱۴۰۰ مالي کال بودیجه تر دې وړاندې دوه ځله رد شوې وه؛ خو په نوې بودیجه کې د ټيټ رتبه مامورینو، اجیرانواو معلمانو و د تنخواوو زیاتولو لپاره ۱.۷ ملیارده افغانیو ځانګړی کوډ په پام کې نیول شوی، چې د امتیاز لرونکو معاشونو له کمې شوې برخې به پوره کېږي.

ولسي جرګې په خپل ننني راپور کې د یادو مامورینو د معاش لوړل د ځان لپاره یوه لاسته راوړنه وبلله او زیاته یې کړه، چې په خپل کلک او ملي دریځ یې وشو کړلی د معلمانو، ټيټ رتبه مامورینو او اجیرانو په معاش کې د لومړي ځل لپاره زیاتوالی راوست.

تر دې وړاندې هم دوه ځله د ۱۴۰۰ کال مالي بودیجه ولسي جرګې ته وړاندې شوې وه؛ خو  جرګې یاده بودیجه د نا انډولۍ له کبله نه وه پاس کړې.