سمسور

افغان ځواکونو په غزني کې ۳۲طالبان وژلي.

• 3 کاله دمخه (25/02/2021)
• الهام څاروان
• 1166

افغان امنیتي ځواکونو د غزني په اندړ ولسوالي کې ۳۲ طالبان وژلي او ۱۰ نور یې ټپیان کړي دي.

له ۲۰۳ تندر قول اردو څخه په خپره شوې خبر پاڼه کې راغلي، چې افغان ځواکونو د غزني د اندړ ولسوالي په وړې ارزو او غټې ارزو سیمه کې، د عملیاتو په ترڅ کې له وسله والو طالبانو سره نښته رامنځ ته شوې، چې په پایله کې یې ۳۲ طالبان وژل شوي او ۱۰ نور ټپیان دي.

په خبر پاڼه کې همداشان راغلي، چې د یادو عملیاتو په ترڅ کې د طالبانو یو له بمونو ډک موټر او یو شمېر وسلې او مهات  هم له منځه تللي دي.