سمسور

افغان ځواکونو ۱۶ پاکستاني القاعده ووژل

• 3 کاله دمخه (01/03/2021)
• محمد عزیر ستانکزی
• 1133

ملي دفاع وزارت وایي د کاپیسا ولایت د نجراب ولسوالۍ اړوند افغانیه دره کې د القاعده شبکې ۱۶ پاکستاني غړي وژل شوي.

ملي دفاع وزارت د خبرپاڼې په خپرولو سره وایي د القاعده شبکې دغه پاکستاني غړي د افغان ځواکونو د ګډو عملیاتو په ترڅ کې وژل شوي.

خبرپاڼه زیاتوي چې په دغو عملیاتو کې د ۱۶ پاکستانیانو په ګډون ۳۰ وسله وال طالبان وژل شوي او ۶ نور وسله وال طالبان ټپیان شوي.

خبرپاڼه کې راغلي چې ددغو عملیاتو پر مهال د وسله والو طالبانو زیاته اندازه وسلې او مهمات هم له منځه وړل شوي او د یادې ولسوالۍ څو کلي د وسله والو له شتون څخه پاک شوي دي.

وسله والو طالبانو تر اوسه په دې اړه څه نه دي ویلي.