سمسور

د ټاپي پروژې امنیتي طرحه تصویب شوه.

• 3 کاله دمخه (07/03/2021)
• خالد سهار
• 1245

د ملي امنیت شورا دفتر په یوه خبر پاڼه کې وایي، چې د ملي امنيت سلاکار په مشرۍ د امنيتي سکټور د لوړپوړو چارواکو په غونډه کې د ټاپي پروژې امنيتي طرحه تصويب شوه.

سرچینه وایي، چې امنیتي مسؤولینو په دې غونډه کې وویل چې تېره اوونۍ ۷۳ کسان د هدفي وژنو، مقناطیسي بمونو د اېښودو او نورو مختلفو جرمونو په تور نیول شوي دي. 

خبر پاڼه کې همدا راز راغلي، چې په دې غونډه کې همدا رنکه ټینګار شوی چې د ننګرهار امنيتي وضعيت او په کندهار کې د پوليسو اړوند ستونزې دې ژر تر ژره حل شي.