سمسور

ویسټنډیز یو ځل بیا سریلانکا ماته کړه.

• 3 کاله دمخه (13/03/2021)
• حضرت علي میاخېل
• 1496

د ویسټنډیز په کوربتوب د درې پنځوس اوریزو لوبو، دوهمه لوبه هم ویسټنډیز لوبډلې وګټله.

په دغې لوبه کې سریلانکا لومړی توپ وهنه وکړه او په ټاکلو پنځوس اورونو کې یې د ۸ لوبغاړو په سوځېدو ۲۷۳ منډې جوړې کړې او د ۲۷۴ منډو هدف یې کوربه ویسټنډیز لوبډلې ته کېښود.

د سریلانکا لپاره ګوناتیلیکا تر ټولو زیاتې ۹۶ منډې جوړې کړې.

ویسټنډیز ټاکل شوی هدف په وروستي اور کې پوره او په پنځه ویکټو یې میلمنې لوبډلې سریلانکا ته ماتې ورکړه.

د ویسټنډیز لپاره د پیل توپ وهونکو ایون لیوس او شای هوف ښه توپ وهنه وکړه.

ایون لیوس ۱۰۳ او شای هوف ۸۴ منډې جوړې کړې.

ددغې لوبې د غوره لوبغاړي جایزه ایون لیوس ته ورکول شوه، چې ۱۰۳ منډې یې جوړې کړې وې.

د درې پنځوس اوریزو لوبو لومړۍ لوبه هم ویسټنډیز لوبډلې ګټلې وه.