کندهار کې ۲۱ وسله وال طالبان ووژل شول
- 3 کاله دمخه (17/03/2021)
- محمد عزیر ستانکزی
- 1721
د کندهار امنیتي مسولین وایي چې په کندهار ولایت کې د افغان ځواکونو د عملیاتو په پایله کې ۲۱ وسله وال طالبان وژل شوي.
د کندهار امنیه قوماندانۍ له لوري خپره شوې خبرپاڼه کې راغلي چې افغان ځواکونو تیره شپه د ډنډ ولسوالۍ د یارو کلا په سیمه کې عملیات ترسره کړي چې په پایله کې یې ۲۱ وسله وال طالبان وژل شوي.
د خبرپاڼې له مخې ددغو عملیاتو په پایله کې د وسله والو طالبانو یوه اندازه وسلې او مهمات هم د افغان ځواکونو لاس ته ورغلي دي.
وسله والو طالبانو تر اوسه په دې اړه څه نه دي ویلي.