سمسور

د کمال خان بند؛ د ترکو او قلعه افضل کانالونو کارونه روان دي

• 3 کاله دمخه (25/03/2021)
• عارف سمیر
• 1607

 د ترکو او قلعه افضل پر کانالونو چټک کار پیل شوي او په نژدې راتلونکي کې به ګټې اخیستنې ته وسپارل شي.

د اوبو چارو تنظیم ملي اداره وايي، چې د یادو کانالونو په جوړېدو سره به په نیمروز ولایت کې ۴۹۳۹۷ هکتاره ځمکه خړوبه شي.

 د سرچینې په خبره، د دې کانالونو مالي لکښت ۹.۹ میلیارد افغانۍ کېږي او د ودانیزو چارو تړون یې له ملي پراختیا شرکت سره شوی، چې مالي لګښت یې د هېواد له پراختیایي بودیجې څخه ورکول کېږي. 

له یادو کانالونه څخه به ۴۹ زره کورنۍ په مستقیمه توګه ګټه واخلي.

باید یاده شي، چې تېره ورځ د کمال خان بند د پرانیستې په مراسمو کې ولسمشر اشرف غني هم ټینګار وکړ، چې په ټول توان به په هېواد کې د کانالونو په جوړولو هم کار پیل کړي.