سمسور

طالبان: که بهرنیان ونه وځي، زموږ جګړې به زور واخلي.

• 3 کاله دمخه (27/03/2021)
• خالد سهار
• 1223

طالبان وایي، که ټول بهرني سرتېري له افغانستانه په ټاکلې نېټه ونه وځي پر وړاندې یې جګړې پیلوي. 

طالبانو په یوه اعلامیه کې ګواښ کړی دی که ټول بهرني سرتېري د سولې له تړون سره سم په ټاکلې نېټه له افغانستانه ونه وځي د هغوی پر وړاندې به جګړه پیل کړي.

د ۲۰۲۰ میلادي کال فبروري په ۲۹مه نېټه د امریکا او طالبانو ترمنځ په دوحه کې د سولې هوکړه شوې وه، چې له مخې یې امریکا ژمنه وکړه، چې د مې تر لومړۍ نېټې به د خپلو ټولو پوځیانو ماموریت پای ته رسوي.

د رسنیو د راپورونو پر بنسټ، چې د دې هوکړې په اساس امریکایي سرتېرو شمېر کم شوی او اوسمهال په افغانستان کې ۲۵۰۰ سرتېري شتون لري.

د طالبانو ګواښ داسې مهال دی، چې دمخه یې د امریکا ولسمشر جوبایډن د تېرې پنجشنبې په ورځ ویلي و، چې د تخنیکي ستونزو له امله ستونزمنه ده، چې ټول امریکایي سرتیري د مې تر لومړۍ له افغانستانه ووځي.