ملي امنیت ۰۲: ننګرهار کې د داعش ډلې هدفي وژنو غړی ونیول شو.
- 3 کاله دمخه (04/04/2021)
- خالد سهار
- 1444
سمسور (یکشنبه - وری ۱۵) افغان ځواکونو د ننګرهار ولایت چپرهار ولسوالۍ دولت زو سیمه کې ځانګړي شپني عملیات ترسره کړي.
د هېواد ختیځ لورته د ملي امنیت ۰۲ قطعه وایي، چې په یادو عملیاتو کې د چپرهار لپاره د داعش ډلې استخباراتي او هدفي وژنو غړی نیول شوی دی.
یاد ځواکونه زیاتوي، چې له نیول شوي کس سره ۱ میل کلاشینکوف، ۴ عدده د کلاشینکوف شاجورونه او دوه تفنګچې هم د ځواکونو لاسته ورغلي دي.
د سرچینې په خبره، چې یاد کس په ۲۰۲۰ میلادي کال کې د یو تن ډاکټر عبدالرسول مشهور په ګوډ ډاکټر په اختطاف کې هم لاس درلوده.
تر دې مهاله په دې هکله داعش ډلې پو رسمي ډول څه نه دي ویلي.
د یادولو ده، چې تېره ورځ هم په دې ولایت کې ګډو افغان ځواکونو د داعش او طالبانو غړي له یو شمېر وسلو او مهماتو سره یو ځای نیولي وو.