روغتیا وزارت: د کرونا ویروس ۷۶ نورې مثبتې پېښې ثبت شوې.
- 3 کاله دمخه (08/04/2021)
- نګینه ارشاد
- 1668
سمسور (پنجشنبه - د وري - ۱۹) د عامې روغتیا وزارت وایي، چې په تېرو څلرویشت ساعتونو کې د هېواد په کچه د کرونا ویروس ۷۶ نورې مثبتې پېښې ثبت شوې دي.
د یاد وزارت د مالوماتو له مخې، چې دا پېښې د هېواد په کابل، هرات، کندهار، ننګرهار، کندز، میدان وردګ، هلمند، لغمان او کونړ ولایتونو کې ثبت شوې دي.
روغتیا وزارت وایي، چې په یادې موده کې ۵ تنو له کرونا ویروس څخه خپل ژوند بایللی دی.
سرچینه وایي، چې له دې سره پر یاد ویروس د اخته کسانو شمېر ۵۷ زره ۰۱۹ تنو ته لوړ شو.
د سرچینې په حواله له یاد ویروس څخه د مړه شویو کسانو شمېر ټولټال ۲ زره ۵۲۱ تنو ته رسېدلی.
د سرچینې په خبره، چې په همدې موده کې له دغه ویروس څخه ۱۶ تنه بېرته رغېدلي، چې د رغېدلیو کسانو شمېر ۵۱ زره ۹۵۶ تنو رسېږي.