سمسور

افغان ځواکونو هلمند کې د طالبانو یو زندان مات کړ.

• 3 کاله دمخه (20/04/2021)
• نګینه ارشاد
• 1432

سمسور (سه شنبه د وري ۳۱) افغان ځواکونو هلمند کې د طالبانو هغه زندان مات کړی، چې ۲۸ ملکي کسان پکې بندیان وو.

د ملي دفاع وزارت له لوري په خپرې شوې خبر پاڼه کې راغلي، چې تېره شپه افغان کومانډو ځانګړو ځواکونو د یاد ولایت موسی قلعه ولسوالۍ اړوند سیمه کې هدفمند عملیات ترسره کړي.

یاد وزارت وایي، چې د دغو عملیاتو پر مهال ۲۸ ملکي کسان، چې طالبانو سره بندیان، وو ازاد کړای شوي دي.

سرچینه زیاتوي، چې همداشان د یادو عملیاتو پر مهال ۶ طالبان وژل شوي او د دوی یو شمېر وسلې او مهمات د ځواکونو لاسته یې ورغلي دي.

تر اوسه پورې طالبانو د دولت دغې ادعا ته کوم غبرګون نه دی څرګند کړی.