سمسور

حکومت: د ترکیې په غونډه کې د جمهوریت د پلاوي نوملړ وروستی شوی.

• 3 کاله دمخه (20/04/2021)
• خالد سهار
• 1357

سمسور (سه شنبه د وري ۳۱) د حکومت یو لوړپوړي چارواکي رسنیو ته ویلي، داسې ګڼل کېږي چې د ترکیې په غونډه کې د جمهوریت په استازیتوب ۱۵ تر ۱۷ تنو ګډون وکړي.

د ملي روغې جوړې د عالي شورا ویاند فریدون خوځون ویلي د ترکیې غونډې د ګډون لپاره افغانستان د ګډون کوونکو نوملړ چمتو شوی او ټاکل شوې چې دغه نوملړ ډېر ژر خپور شي.

خو طالبان ټینګار کوي، چې د دغې ډلې پلاوی به هغه مهال دې غونډه کې ګډون وکړي چې امریکا د دوحې تړون په بشپړ ډول تطبیق کړي.

دا په داسې حال کې ده، چې قطر، ترکیه ملګري ملتونو او امریکا د ترکیې په کنفرانس کې ګډون ته د طالبانو د راضي کولو پر هڅو بوخت دي.

د رسنیو د راپورونو له مخې، د ترکیې غونډه ښایي تر راروانو څلورو ورځو جوړه شي.