سمسور

د بهرنیو چارو وزیر د استونیا له ولسمشرې، سره وکتل.

• 3 کاله دمخه (22/04/2021)
• خالد سهار
• 1341

سمسور (پنجشنبه د غوایي ۲) د بهرنیو چارو وزیر محمد حنیف اتمر په کابل کې د استونیا له ولسمشرې، کریستي کالیولاید سره کتلي دي.

د بهرنیو چارو وزارت په یوه خبر پاڼه کې ویلي، چې د یادې لیدنې پر مهال دواړو لوریو له اففانستانه د بهرنیو ځواکونو تر وتلو وروسته د دوه اړخیزو اقتصادي، سیاسي او امنیتي همکاریو پر دوام بحث او ټینګار وکړ.

د استونیا ولسمشرې اغلې کالیولاید کابل ته په خپل سفر کې لومړی د ملي روغې جوړې عالي شورا له مشر عبدالله عبدالله سره کتلي وو.

د مالوماتو له مخې، دواړو لوریو په دغه کتنه کې د ترکيې پر کنفرانس، د دوحې پر مذاکراتو، ملي اجماع او پر سیمه ییزو اړیکو او بېلو نورو برخو کې خبرې شوي دي. 

نوموړې د خپلو کتنو پر دوام له ولسمشر غني سره هم کتلي دي. 

د ارګ د خبر له مخې، چې په دغې کتنه کې دواړو خواوو له افغانستانه د بهرنیو ځواکونو پر وتلو، د دواړو هېوادو ترمنځ د اړیکو پراختیا، او د افغانستان او بین المللي ټولنې او ناټو سازمان غړو هیوادونو ترمنځ د مناسباتو د نوي فصل په هکله بحث وشو.

هغې همداشان د یادې لیدنې پر مهال د دواړو هېواد ترمنځ د اړیکو پر پیاوړتیا هم ټینګار کړی دی.