سمسور

لغمان کې جګړه؛ افغان ځواکونو ۲۰ طالبان وژلي.

• 3 کاله دمخه (25/04/2021)
• خالد سهار
• 1140

سمسور (یکشنبه د غوایي ۵) افغان چارواکي وایي ځواکونو یې لغمان کې ۲۰ طالبان وژلي، خو طالبانو یې په هکله کوم غبرګون نه دی څرګند کړی.

د ملي دفاع وزارت له لوري په خپره شوې خبرپاڼه کې راغلي، چې تېره افغان هوایي ځواکونو د لغمان ولایت علیشنګ ولسوالۍ اړوند "رهین" او "ګمبه" سیمو کې هوایي بریدونه ترسره کړي.

سرچینه کې راځي، چې د یادو عملیاتو پر مهال د طالبانو زیات شمېر وسلې او مهمات هم له منځه وړل شوي دي.

د ویلو ده، چې په لغمان کې له تېرو څو ورځو راهیسې د دولت او طالبانو ترمنځ سخته جګړه روانه ده.

ځایي سرچینو رسنیو ته ویلي، چې دواړو لوریو ته تلفات اوښتې خو لا یې کره شمېره نه ده مالومه.