سمسور

د ننګرهار د هسکې مېنې لپاره د طالبانو نومول شوی ولسوال ووژل شو.

• 3 کاله دمخه (27/04/2021)
• خالد سهار
• 1388

سمسور (سه شنبه د غوایي ۷) د ننګرهار ولایتي مسوولین وایي، د دې ولایت د هسکې مېنې ولسوالۍ لپاره د وسله والو طالبانو نومول شوی ولسوال افغان ځواکونو سره په جګړه کې وژل شوی.

د ننګرهار د والي ویاند عطاءالله خوږیاڼی وایي، چې تېره شپه د ننګرهار د هسکې مېنې ولسوالۍ «تور راغه» سیمه کې د افغان ځواکونو او وسله والو طالبانو ترمنځ جګړه شوې. 

هغه زیاتوي، په دې جګړه کې د یادې ولسوالۍ لپاره د وسله والو طالبانو نومول شوی ولسوال «اکبر کوچی» د امنیتي ځواکونو په ځوابیه بریدونو کې وژل شوی دی.

وسله والو طالبانو تر اوسه پورې په دې تړاو څه نه دي ویلي.