سمسور

د ملي اردو قرارګاه طالبانو په بمونو الوځولې

• 3 کاله دمخه (03/05/2021)
• نګینه ارشاد
• 1573

طالبانو د فراه ولایت د بالابلوک ولسوالي شیوان کلي کې د ملي پوځ یوې قرارګاه ته تونل کېندلی او تېره شپه یې په بمونو الوځولې ده.

د فراه والي تاج محمد جاهد وایي، چې یاده پېښه تېره شپه رامنځ ته شوې، چې تر چاودنې ورورسته نښته هم رامنځته شوې او لس سرتیري له قرارګاه څخه ژوندي وتلي.

یادې قرار ګاه کې د ملي اردو شاوخوا ۳۰ سرتېري اوسېدل، چې د فراه والي د پاتې سرتېرو په اړه څه نه دي ویلي

بل طرف بیا ځایي اوسېدونکي وایي، چې چاودنه کې ګڼو سرتېروته مرګ ژوبله اوښتې. 

باید یاده شي، چې تېره ورځ هلمند کې د انتونیک اډه هم افغان ځواکونو ته سپارل شوې ده