سمسور

پاتریک: د بهرنیانو له وتلو د طالبانو جکړه هیڅ مشروعیت نه لري

• 3 کاله دمخه (12/05/2021)
• نګینه ارشاد
• 1251

 د امریکايي سرتېرو تر وتلو وروسته طالبان افغانستان کې د جکړې د دوام لپاره هېڅ توجیه نه لري.

د بریتانیا د پوځ لوی درستیز جنرال نېکلاس پاتریک په خپلې تازه مرکې کې ویلي، چې له افغانستان څخه د امریکايي سرتېرو د وتلو پروسه پیل شوې؛ نو تر دې وروسته د طالبانو جګړه ناروا ده.

نوموړي ویلي، باید پر دې پوه شو چې طالبان جګړه غواړي او جګړه خوښونکي دي؛ نو ځکه د امریکايي سرتېرو تر وتلو وروسته پر ملکي وګړي بریدونه کوي.

پاتریک زیاته کړې، طالبان باید پر دې پوه شي، چې پر ملکي وګړو بریدونه بشري جنایت دی.

نوموړي ویلي، چې د امریکايي سرتېرو تر وتلو وروسته به هم له افغان حکومت سره خپلو مرستو ته دوام ورکړي.

د ده په وینا، افغان ځواکونه اوسمهال د دې وړتیا لري، چې له خپلو خلکو ساتنه وکړي او زیاته کړې یې ده، چې بریتانیا به هم د افغان ځواکونو سره خپلې مرستې دوامداره وساتي.