سمسور

تېرو ۲۴ ساعتونو کې نږدې ۱۰۰ طالبان ووژل شول

• 3 کاله دمخه (22/05/2021)
• کامران احمدزي
• 1002

افغان ځواکونو د هېواد په بېلابېلو سیمو کې د طالبانو پر وړاندې عملیات ترسره کړي، چې په نتیجه کې یې ۹۲ طالبان وژلي، ۴۸ ټپیان کړي او ۲ نور ژوندي نیولي دي.

له ملي دفاع وزارت څخه په خپره شوې خبرپاڼه کې ویل شوي، چې یاد عملیات د هېواد په ۸ ولایتونو کې ترسره شوي.

د سرچینې په خبره یادو عملیاتو کې د طالبانو ۳۴ کړۍ ماینونه هم له منځه وړل شوي دي.

ملي دفاع وزارت په داسې حال کې د ۹۲ طالبانو د وژلو خبر ورکوي، چې تېره ورځ طالبانو د لغمان ولایت دولت شاه او د میدان وردګو ولایت جلرېز ولسوالۍ له سقوط سره مخ کړې.