سمسور

نوین په انګلستان کې ښه ځلیږي

• 3 کاله دمخه (12/06/2021)
• حضرت علي میاخېل
• 1428

د جون په ۱۱ نیټه بلاسټ سیالیو کې ‌ډربي شایر او د نوین اړوند لیسیسټر شایر لوبډلې سره مخامخ وې.

په دغې لوبه کې لومړۍ توپ وهنه ډربي شایر لوبډلې وکړه او په ټاکلو شلو اورونو کې یې د ۶ لوبغاړو په سوځېدو ۲۰۹ منډې جوړې کړې او د ۲۱۰ منډو هدف یې لیسیسټر شایر لوبډلې ته کېښود. د ډربي شایر لپاره تر ټولو زیاتې منډې مت کریټلي ۸۰ جوړې کړې. د لیسیسټر شایر لوبډلې لپاره بیا نوین الحق غوره توپ اچونه وکړه. نوین په څلورو اورونو کې ۲۶ منډې ورکړې او ۳ لوبغاړي یې وسوځول.

لیسیسټر شایر لوبډلې ټاکل شوی هدف پوره نه شوای کړای او په ۲۳ منډو یې ماتې ومنله. لیسیسټر شایر لوبډلې ټولې ۱۸۶ منډې جوړې کړې او خپل ټول لوبغاړي یې په ۱۹ اورونو کې دلاسه ورکړل. د لیسیسټر شایر لوبدلې لپاره تر ټولو زیاتې منډې ریشي پټیل ۳۵ جوړې کړې. د ډربي شایر لپاره وان بیک درې لوبغاړي وسوځول.

نوین که څه هم ۳ لوبغاړي یې وسوځول خو لوبډله یې بریا ته ونه رسوله.