سمسور

پکتیکا کې افغان ځواکونو د پاکستان وسلې ونیولې.

• 3 کاله دمخه (15/06/2021)
• سمسور نیوز
• 1420

افغان چارواکي په پکتیکا ولایت کې د دوه پاکستاني اتباعو د وسلو او مهماتو د قاچاق په تړاو د نیول کېدو خبر ورکوي. 

د کورنیو چارو وزارت له‌لوري په خپره شوې خبر پاڼه کې ویل شوي، چې د نشه يي توکو پر وړاندې د مبارزې منسوبینو د پکتیکا ولایت په مرکز ښرنه کې یو لړ اوپراتیفي عملیات ترسره کړي، چې په ترڅ کې یې دوه پاکستاني اتباع د وسلو او مهماتو د قاچاق په تړاو نیولي دي.

د دغه وزارت د مالوماتو له‌مخې، یادو کسانو ۱۷ میله کلاشینکوف وسلې، ۵۵ قبضې تومانچې او د سپکو وسلو ۵۶ کارتنه مهمات په یو عراده مازدا ډوله موټر کې په ځیرک ډول ځای پر ځای کړي وو او له پاکستان څخه یې پکتیکا ته قاچاق کړي وو.

باید وویل شي، چې له دې وړاندې هم څو ځله د پاکستان له لوري رالېږدوونکې ګڼې وسلې او مهمات د افغان ځواکونو له خوا نیول شوي دي.