حنیف اتمر: پاکستان پر طالبانو پراخ نفوذ لري او له افغان حکومت سره دې سولې ته وهڅوي.
- 3 کاله دمخه (20/06/2021)
- سمسور نیوز
- 1404
د افغانستان د بهرنیو چارو وزیر، محمد حنیف اتر وایي، پاکستان پر طالبانو پراخ نفوذ لري او له دې نفوذ په استفادې دې دوی له افغان حکومت سره سولې او د تاوتریخوالي کمولو ته وهڅوي.
اتمر تېره ورځ له خپل پاکستاني سیال سره لیدلي او پر افغان سوله او یو شمېر نورو مهمو یې خبرې کړې دي.
اتمر همداراز د سولې په پروسه کې د پاکستان رول مهم بللی دی او له دغه هېواد یې غوښتي، چې خپله صادقانه رول ادا کړي.
ښاغلي اتمر همداشان ویلي، د افغانستان سوله د سیمې د هېوادونو همکارۍ ته اړتیا لري او په وینا یې، پاکستان باید په دې برخه کې خپله رښتینې همکاري ثابته کړي.
ورته مهال د پاکستان بهرنیو چارو وزیر شاه محمود قریشي ویلي، دوی د مذاکذاتو له لارې د افغان جګړې پایته رسېدل غواړي او په دې برخه کې د خپل هېواد همکاریو ډاډ ورکړی دی.
په دې لیدنه کې دغه رنګه، د سوداګریزو اړیکو پر پراختیا هم خبرې شوې دي.