سمسور

په ټېسټ کرکټ کې د توپ وهونکو درجه بندي؛ کوم لوبغاړي په کې شامل دي؟

• 3 کاله دمخه (24/06/2021)
• حضرت علي میاخېل
• 1298

ای سي سي یا د کرکټ نړیوالې شورا په ټیسټ کرکټ کې د لوبغاړو تازه درجه بندي اعلان کړې ده.

په دغو لوبغاړو کې لومړی اسټرالیاوي سټیف سمیت دی، سمیت د ۸۹۱ نمرو په ترلاسه کولو سره نوملړ ټاپ کړی دی.

دوهم ځای کې نیوزیلینډی لوبډلمشر کین ویلیمسن دی، ویلیمسن ۸۸۶ نمرې لري او دوهم ځای کې قرار لري.

دریم ځای کې اسټرالیاوي مارنوس لبوس چینج دی، دی ۸۷۸ نمرې لري.

څلورم ځای هندي ویراټ کوهلي نیولی، کوهلي ۸۱۴ نمرې لري.

پنځم ځای کې انګلستانی جیو روټ دی، روټ ۷۹۷ نمرې لري.

شپږم ځای کې هندی ریشیب پنټ دی، پنټ ۷۴۷ نمرې لري.

اووم ځای بل هندي لوبغاړي روهیت شرما نیولی، شرما هم ۷۴۷ نمرې لري.

اتم مقام کې نیوزیلینډی هینري نیکولس دی، نیکولس ۷۳۲ نمرې لري.

نهم ځای کې چپ لاسی اسټرالیاوي ډیویډ وارنر دی، وارنر ۷۲۴ نمرې لري او لسم ځای بیا د سوت افریقا لوبغاړي کونټن ډیکاک نیولی دی، ډیکاک ۷۱۷ نمرې خپلې کړي دي.