چارواکي: د افغاني توکو په صادراتو کې ۱۵ سلنه زیاتوالی راغلی
- 3 کاله دمخه (26/06/2021)
- سمسور نیوز
- 1280
د سوداګرۍ او پانګونې خونه وايي، د روان ميلادي کال په لومړيو پنځو مياشتو کې د افغانستان په صادراتو کې ۱۵ سلنه ډېروالی راغلی دی.
د یادې خونې د صادراتو د پراختيا رئیس مير زمان پوپل وایي، چې د هوايي دهلېزونو له لارې د افغاني توکو صادراتو کچه لوړه شوې ده.
د نوموړي په خبره، په تېرو پنځو مياشتو کې شااوخوا ۴ زره ټنه صادرات چې ارزښت يې ۶۸ ميلیونه ډالره کېږي له هېواده بهر هېوادونو ته صادر شوي دي.
د پوپل د معلوماتو لهمخې، په صادر شویو توکو کې غالۍ، وچه مېوه او حيواني محصولات شامل دي چې لوېدیځو هېوادونو، دوبۍ چين او يو شمېر نورو هېوادونو ته صادر شوي دي.
د ویلو ده، چې بېلابېل افغاني توکي په کور دننه او نورو بهرنیو هېوادونو کې خورا شهرت او پېرېدونکي لري، چې ډېر کله یې د غوره کیفیت نوم هم ګټلی دی.