په پکتیکا کې د ۳ میلیونه افغانیو په ارزښت د څښلو د اوبو د یوې شبکې د جوړولو چارې پیل شوې
- 3 کاله دمخه (28/06/2021)
- سمسور نیوز
- 1413
د کلیو بیارغونې او پراختیا وزارت چارواکي وايي په کلیوالي سیمو کې د اوبو رسولو او حفظالصحې ملي پروګرام له لوري د پکتیکا ولایت د زرغون شهر ولسوالۍ په بلوخېلو کلي کې د څه باندې ۳ میلیونه افغانیو په ارزښت د څښاک د اوبو د یوې شبکې د جوړولو چارې پیل شوې.
د اوبو رسولو ددغې پروژې په جوړېدو سره به د شاوخوا ۹۰ کورنیو لپاره د څښاک پاکې اوبه برابرې شي.
سرچینه زیاتوي، چې د اوبو رسولو د دغې پروژې د جوړولو چارې به دغه راز د ځايي خلکو لپاره شاوخوا (۱۷۰۰) کاري ورځې هم رامنځته کړي.