سمسور

عطامحمد نور: له خپل منځي اختلاف څه نه جوړیږي؛ طالب ته یو موټی شئ

• 3 کاله دمخه (28/06/2021)
• سمسور نیوز
• 1403

د جمعیت اسلامي ګوند د جلا شوې ډلې مشر عطامحمد نور وايي، چې اختلافات پریږدې، د طالبانو پر وړاندې سره متحد شئ او پر وړاندې یې وجنګېږئ.

نور په خپله فېسبوک پاڼه لیکلي، چې د طالبانو پر وړاندې دې د جمعیت ګوند سره یو موټی شي تر څو د طالبانو د فکر پر وړاندې ښه مبارزه وشي او د جهاد او مقاومت وختونه بیا راتازه شي.

عطامحمد نور دا خبرې په داسې مهال کوي، چې د جمعیت ګوند په رهبرۍ له صلاح الدین رباني سره ژور اختلافات لري؛ خو اوس د جمعیت په ټولو غړو غږ کوي چې د طالبانو پر وړاندې سره یو موټی شي.