امریکا دوه زره افغان مېرمنو ته ویزې ورکوي
- 3 کاله دمخه (08/07/2021)
- سمسور نیوز
- 1600
د امریکایي ځواکونو له وتلو وروسته امریکا هغه افغان مېرمنو ته ویزې ورکوي، چې په هېواد کې یې ژوند له خطر سره مخ دی.
د رویټرز خبري اژانس د راپور له مخې په دغو ښځو کې خبریالانې، مدنې فعالانې او د بشري حقونو فعالینې شاملې دي.
رویټرز دا راپور په داسې مهال خپور کړی، چې افغانستان کې جګړې ورځ تر بلې زیاتېږي او یاد شمېر ښځو ته خطرونه هېواد کې متوجې دي.
یادو ښځو ته د ویزو د ورکړې خبره په داسې مهال کېږي، چې افغان مېرمنې د طالبانو راتګ نه غواړي او وايي که چېرته راځي؛ نو تېر حالت به تکرار شوی وي.