د کرکټ د نړۍ پیاوړې لوبډلې سویلي افریقا ته ایرلینډ ماتې ورکړه
- 2 کاله دمخه (14/07/2021)
- حضرت علي میاخېل
- 1118
تېره ورځ د جولای په ۱۳مه نېټه سویلي افریقا کرکټ ملي لوبډله له ایرلینډ کرکټ ملي لوبډلې سره یو ورځینۍ لوبه ترسره کړه.
په دغې لوبه کې پچه د افریقا لوبډلې وګټله او لومړی یې د توپ اچونې پرېکړه وکړه.
ایرلینډ لوبډلې په ټاکلو ۵۰ اورونو کې د ۵ لوبغاړو په سوځېدو ۲۹۰ منډې جوړې کړې او د ۲۹۱ منډو هدف یې سویلي افریقا لوبډلې ته کېښود.
د ایرلینډ لپاره هیري ټیکټور ۷۹ او انډریو بالبیرني ۱۰۲ تر نورو زیاتې منډې جوړې کړې.
د افریقا لپاره په توپ اچونه کې انډاییل دوه لوبغاړي وسوځول.
سویلي افریقا لوبډلې ټاکل شوی هدف پوره نه شوای کړای او په ۴۳ منډو یې ماتې ومنله.
د افریقا لپاره جانیمن مېلن ۸۴ تر نورو زیاتې منډې جوړې کړې؛ خو لوبډله یې بریا ته ونه رسوله.
د ایرلینډ لپاره مارک اډیر، جوش لیټل او انډي مک براین دوه دوه لوبغاړي وسوځول.
ددغې لوبې د غوره لوبغاړي جایزه انډریو بالبیرني ته ورکول شوه، چې ۱۰۲ منډې یې جوړې کړې وې.
له دې وړاندې لومړۍ لوبه د باران له امله بې پایلې شوې وه.