سمسور

پاکستان کې پر بس چاودنې شاوخوا 50 کسانو ته مرک ژوبله اړولې

• 3 کاله دمخه (14/07/2021)
• رفیع الله نقیب زی
• 1161

ځینو سرچینو رسنیو ته ویلي، چې نن د پاکستان شمال کې پر یوه بس چاودنه کې د څلورو چینایي وګړو په ګډون اته کسان وژل شوي.

یو پاکستاني چارواکي رسنیو ته تائید کړي، چې په بره کوهستان کې پر هغه بس درنه چاودنه شوې، چې چینایي انجنیران په‌کې سپاره وو. یاد پاکستاني چارواکي ویلي، چې بس کې له ۳۰ زیات چینایي انجنیران وو او بره کوهستان کې د ډاسو بند سیمې ته تلل، چې یاده چاودنه پرې ترسره شوې، خو بلخوا پاکستاني ټلوېزیون جیونیوز رپوټ ورکړی، چې یاده پېښه کې دڅلورو چینایي او دوه پوځي کسانو په ګډون ۱۰ کسان وژل شوي او ۳۹ نور ټپیان دي.

باید وویل شي، چې په بس کې هغه کسان سپاره وو، چې د ډاسو بند په جوړولو یې کار کاوه.