سمسور

تېرو ۲۴ ساعتونو کې ۳۱۴ طالبانو ته مرګ ژوبله اوښتې ده

• 3 کاله دمخه (29/07/2021)
• رفیع الله نقیب زی
• 1113

په تېرو ۲۴ ساعتونو کې افغان ځواکونو په مخامخ نښتو، چاڼیزو عملیاتو او هوایي بریدونو کې ۱۷۱ طالبان وژلي او ۱۴۳ تنه نور یې ټپیان کړي دي او همداراز د طالبانو یوه اندازه وسلې او مهمات هم له منځه وړل شوي.

له ملي دفاع وزارت څخه په خپره شوې خبر پاڼه کې راغلي، چې په یاده موده کې د طالبانو ۱۳ بېلابېل ډول ماینونه، چې د هېواد په بېلابېلو سیمو کې ځای پرځای شوي وو، د ملي اردو ځواکونو له لوري کشف او خنثی شوي دي.

باید وویل شي، چې طالبانو ته یاده مرګ ژوبله د هېواد په کونړ، لوګر، پکتیا، پکتیکا، غزني، زابل، جوزجان، فاریاب، هلمند، کندوز او کاپیسا ولایتونو کې اوښتې ده.