توماس نیکولسن: د سولې لپاره تاریخي فرصت دی؛ خو طالبان یې ضایع کوي

توماس نیکولسن: د سولې لپاره تاریخي فرصت دی؛ خو طالبان یې ضایع کوي


  • 2 کاله دمخه (30/07/2021)
  • سمسور نیوز
  • 929

د افغانستان لپاره د اروپايي ټولنې ځانګړې استازې توماس نیکولسن وايي، په افغانستان کې روان تاوتریخوالی د اندېښنې وړ دی او طالبان باید د ملکي وګړو د ژوند خوندیتوب ته پاملرنه وکړي.

نوموړي په خپلو وروستیو څرګندونو کې ویلي، چې طالبان دې د سولې لپاره رامنځته شوی تاریخي فرصت نه ضایع کوي او له افغان حکومت سره دې د مذاکراتو مېز ته کیني.

که څه هم په دې وروستیو کې د طالبانو له لوري د تاوتریخوالي د کچې لوړېدو ګڼ شمېر هېوادونه اندېښمن کړي او له یادې ډلې غواړي، چې د جګړې پر ځای له افغان حکومت سره د خبرو مېز ته کیني؛ خو طالبان یواځې پر جګړې تمرکز کوي.

څه موده وړاندې د افغان سولې مذاکراتي پلاوي غړو هم ویلي وو، چې طالبان د سولې خبرو لپاره پلمې لټوي او له دوی سره د خبرو مېز ته نه کیني.