ولسمشر غني: تر راروانو شپږو میاشتو به د جګړې وضعیت تغیر شي
- 3 کاله دمخه (01/08/2021)
- سمسور نیوز
- 1230
ولسمشر په ټينګار سره ویلي، چې تر راروانو شپږو میاشتو به د جګړې وضعیت بدل شي او د دې کار لپاره منسجم او ځانګړی پلان هم شته دی، له ګټګوري کولو پرته د دې موخې ترلاسی ناشونې دی.
ولسمشر محمد اشرف غني دغه څرګندونې نن په الکترونیکي بڼه د کابینې لومړنۍ ناسته (ډیجیټل افغانستان اوونۍ) کې وکړې.
ولسمشر په دې ناسته کې ویلي، پر دې د ټولو اجماع ده، چې طالبان د سولې جدي خبرو اترو ته تیار نه دي، تر هغې چې په نظامي ډګر کې د جګړې د میدان لوری بدل نه شي.
نوموړي همداراز ویلي، ترڅو د جګړې د میدان لوری بدل نه شي، طالبانو به جدي مذاکرې ته تیار نهشي.
هغه دغهراز زیاته کړې، چې د طالبانو سوق او اداره منظمه او یو لاس شوې، چې دا پخپله د هغوی د ملاتړو هېوادونو او تیوریستي بنسټونو ترکیب دی.
د ولسمشر غني په خبره، طالبان د ورځې له ۱۰۰ تر ۱۵۰ عملیاته کوي، چې په تېرو دېرشو کالو کې بې مخینه بلل کېږي او زیاتوي، چې طالبانو نړیوالې تورې تروریستي ډلې افغانستان ته دننه کړې دي.
د ښاغلي غني په وینا، طالبانو د ولسوالیو له نیولو سره سم د تاریخ، جغرافیې او وطنپالنې کتابونه د ښوونځي له درسي نصابه ایستي دي.
په همدې حال کې ولسمشر، طالبان د مذهب له اړخه "فتنه" بللې او له دیني عالمانو یې غوښتي، تر څو دا ډله هغسې چې فتنه ده، خلکو ته وروپېژني.
ولسمشر د کابینې په دژ ناسته کې دا هم ویلي، چې د جمهوریت د لوري چوکاټ انعطاف منونکی او د تکامل په حال کې دی.
په عین حال کې ولسمشر غني د کابینې غړو ته په اشارې ویلي: اداري فساد د زغم وړ نه دی، ما خپلو نړیوالو شریکانو ته کم مه راولئ.