سمسور

تېرو ۲۴ ساعتونو کې ۶۸۷ طالبانو ته مرګ ژوبله اوښتې

• 3 کاله دمخه (02/08/2021)
• رفیع الله نقیب زی
• 1443

په تېرو ۲۴ ساعتونو کې افغان ځواکونو په مخامخ نښتو، چاڼیزو عملیاتو او هوایي بریدنو کې ۴۵۵ طالبان وژلي او ۲۳۲ تنه نور یې ټپيان کړي دي او همداراز د طالبانو یوه اندازه وسلې او مهمات هم له منځه وړل شوي دي.

له ملي دفاع وزارت څخه په خپره شوې خبر پاڼه کې راغلي، چې په یاده موده کې ۸ بېلابېل ډول ماینونه چې طالبانو د هېواد په مختلفو سیمو کې ځای پرځای کړي وو، د ملي اردو ځواکونو له لوري کشف او خنثی شول.

د یادولو ده، چې طالبانو ته یاده مرګ ژوبله د هېواد په ننګرهار، پکتیا، پکتیکا، لوګر، کندهار، هرات، فاریاب، جوزجان، بلخ، سمنګان، هلمند، تخار، کندوز، بغلان او کاپیسا ولایتونو کې اوښتې ده.