سمسور

افغان ځواکونو تېرو ۲۴ ساعتونو کې ۴۰۶ طالبان وژلي

• 3 کاله دمخه (06/08/2021)
• سمسور نیوز
• 1181

له ملي دفاع وزارت څخه په خپره شوې خبر پاڼه کې راغلي، چې په تېرو ۲۴ ساعتونو کې دفاعي او امنيتي ځواکونو سره متقابل بریدونو او نښتو کې ۴۰۶ طالبان وژل شوي او ۲۰۹ نور ټپيان شوي دي.

دغه طالبان د ننګرهار، لغمان، غزني، پکتیکا، خوست، قندهار، زابل، هرات، جوزجان، بلخ، سمنګان، فاریاب، سرپل، هلمند, تخار, بغلان او کاپيسا ولایتونو کې وژل شوي، ټپیان شوي دي.

سرچینه زیاتوي، چې د دې په خوا کې ۲۴ بېلابېل ډول ماینونه، چې طالبانو د هېواد په مختلفو سیمو کې د ملکي خلکو، دفاعي او امنیتي ځواکونو د تګ راتګ په لارو کې ځای پرځای کړي وو، د ملي اردو  ځواکونو له لوري کشف او خنثی شوي دي.

همداراز د وسله والو طالبانو یوه اندازه وسلې او مهمات هم له منځه وړل شوي.