راس ویلسن: طالبان تاوتریخوالی پېژني او له سولې وېره لري
- 3 کاله دمخه (06/08/2021)
- سمسور نیوز
- 1179
په کابل کې د امریکا سرپرست سفیر راس ویلسن په یو ټویټ کې ویلي، چې طالبان دې تاوتریخوالی ودروي او سوله دې وکړي.
نوموړي زیاته کړې، چې د طالبانو اوسني بریدونه ددې ښکارندویي کوي، چې تاوتریخوالی پېژني او له سولې وېره لري.
ویلسن ویلي، چې د سولې خبرې باید چټکې کړل شي او طالبان دې روان تاوتریخوالی ودروي تر څو افغانان له روان ناورین څخه خلاص شي.
راس ویلسن دا خبرې په داسې مهال کوي، چې د وسله والو په جګړو کې ګڼ شمېر ملکي وګړي وژل شوي او زرګونه کورنۍ خپلو مېنو پرېښودو ته اړ شوي دي.